淫照事件後，天真嬌元氣大傷，即使公開活動現身都惹來網民投訴，加上工作量急降，阿嬌騎虎難下。
難為拍檔阿Sa （蔡卓妍）連日殘筋盡現，獨撐所有工作。據知，本月初，阿嬌與老闆楊受成等人，秘密到泰國拜白龍王，指點迷津後，阿嬌即由原本放4個月假，變成無限期長假，而Twins 的新碟更停唱，由阿Sa 單飛發展。
手停口停，阿嬌早於2月，已暗盤急放手持的3個豪宅物業，近日更開出低於市價1成促銷，急住套現，為收山儲定銀彈。
事業仆直，阿嬌寄情瘟仔萬事足，據知上週日阿嬌與癡心情長男友Juno （麥浚龍），到泰國小島歎世界，為Juno 預祝24歲生日，至本週日（16日）雙雙回港的兩人，阿嬌亦一直匿在「龍竇」，冧得Juno 亦在個人網誌內，以「In Paradise 」為題來回味在泰國小島的溫馨時光。前年阿嬌為修身堂到日本拍廣告，2年後，阿嬌因為淫照避走香港，同Juno 遊埠後，Mani 於週一（17/3）的《武俠梁祝》記者會上，就力撐阿嬌已飛到日本進修唱歌跳舞個幾月，不過就話：「阿嬌唔想任何人騷擾佢，所以唔會講佢去咗邊度讀。」
最後露面阿嬌最後一次露面為二月底到柴灣為《出水芙蓉》拍海報，其同性密友兼助手大沈（左）一直護主。秘飛泰國其實阿嬌早於上月尾向英皇請假4個月，表面理由為到日本進修，但據知實為收山作準備。
與男友小島怡情前，在3月初，楊受成親自跟太太陸小曼，秘密帶同阿嬌飛往曼谷拜見白龍王。知情人士更透露，「阿嬌出親嚟都俾人投訴，以後條路真係好難行，楊生都仲係好緊張阿嬌，所以咪帶埋阿嬌過去請教白龍王咋！」
除無限期長假外，據知最近落實Twins 暫休一事，新碟所有歌曲由阿Sa 獨唱。
圈中不少老闆包括林建岳亦篤信白龍王，06年更帶舒淇到泰國接受白龍王祈福。《壹週刊》圖片
指點迷津楊受成（右）上月尾請白龍王（左）到旗下的英皇駿景酒店睇風水，不過當日就拒絕為阿嬌祈福。到本月初，楊受成才秘密帶阿嬌到泰國找白龍王祈福及指點迷津。
07年10月，阿嬌同Juno 拍攝《破事兒》時被男方力追，爆出淫照事件令Juno 護花成功得美人心。
泰國小島之旅到泰國小島享受二人世界兼為Juno 預祝24歲生日，Juno 返港後即更新網誌，仲以天堂嚟形容，又話「work hard,play hard 」，睇嚟佢哋真係玩得好hard 喎！急放豪宅阿嬌擔心手停口停，於是一直為她投資炒樓的嬌媽，趁愛女避走香港期間，即減價急放手持3個位於西半山的物業，不惜以低於市價1成出售，希望盡快套現傍身。「佢不嬲都係穩陣投資，買樓都係要嚟收吓租。但佢得一層收租，唔夠供埋其他盤，所以決定放晒啲樓，穩穩陣陣喎。」知情者說。
據慧明苑代理經紀上週對記者說：「其實個外籍租客肯加租至$44,000，但業主都急住放，仲話連租約賣都冇問題。」雖然減價1成，但阿嬌若賣出仍有1,100萬斬獲，加上去年尾以2,840萬買入2個羅便臣道31號新落成相連單位，已升值至3,360萬，而阿嬌就叫價3,200萬望快甩手，免月供20萬之苦。原來阿嬌真正竇口係同樣位與干德道、月租9萬5的康苑，而非如外間盛傳住在自置物業慧明苑，原來狡兔真係有三窟㗎！
買掩護︰慧明苑
租真竇︰康苑《壹週刊》圖片
手持3物業︰阿嬌手持的豪宅單位市值近半億
低價照拋阿嬌一向有小富婆之稱，以公司名義持有的3個物業市值超過4千萬，04年以570萬買入的干德道慧明苑，市價約1600萬，但急住放盤的阿嬌近日減40萬，以1,560萬求售，即使老外租客肯自動加租，阿嬌都唔制，寧願賺少啲都要
臨放售；而07年尾以2,848萬買入羅便臣道31號的兩個相連樓花單位，阿嬌則以3,200萬放盤，足足低於市價160萬！乾面爆筋
孖女變單飛，阿Sa 連日來出席活動都要代答阿嬌去向，難怪眼圈眼袋出晒嚟，25歲女乾紋面筋暴現，慘。3月11日出席新城音樂頒獎禮仲嘴扁扁，悶悶不樂。
阿Sa 獨撐現金傍身最實際，難為阿Sa 要為嬌
鑊。自阿嬌出席《勁歌》和《雪中送暖》籌款後都被投訴狂鬧後，阿Sa 惟有獨撐大旗出席活動，連日來殘筋盡現。「嚟緊Twins 張碟只會由阿Sa 一個人唱，錄音嘅歌都預備好晒只係獨唱啫！之前阿嬌去錄音室根本冇錄到歌，邊有心情
，所以冇影響喎！」知情者說。
為免連累拍檔一齊再惹網民鬧爆，「佢自己同阿Sa 講，『我唔想累你』，所以嚟緊張碟都冇佢份。」
據知英皇為低調處理，對外公布阿嬌出國進修，不過進修甚麼同日子就成謎，而Twins 的新碟亦只會用阿Sa 單飛名義推出，暫不公布拆夥消息。
慘得阿Sa 就要獨撐所有工作，難怪上週二（11日），阿Sa 獨撐出席頒發禮都大呻：「其實都唔係好慣一個人，但冇辦法，組合就要分擔呢樣嘢。」但卻隱約嗅到拆夥先兆：「公司都仲諗緊一個合作形式。」而據知阿嬌除新碟冇份外，原先由4月延至8月的Twins 演唱會，亦同樣凍過水。
累拍檔發表完天真論嘅阿嬌繼續亮相《勁歌》，收到過百宗投訴，其後所有工作面臨停止。最慘係佢拍檔阿Sa ，無端端被拉埋落水，遭網友鬧埋一份。
假錄音2月中阿嬌嘅新碟錄音安排只係假象，連帶奧運錄音亦即時被抽起。《蘋果日報》圖片
據婚姻登記處資料顯示，嬌媽莫寶珠在96年與鍾志強再婚，後來誕下一女，成為阿嬌同母異父細妹。
阿嬌生父在她幾歲時逝世，由母親莫寶珠一手養大的她因此非常孝順。
阿嬌出世時，父母仍住在慈雲山村，生父報稱的職業是魚販。家境入於草根階層。
屋村妹出身 生父養魚曾於澳洲浸過鹹水但未有大學畢業、又有個懂得投資賺錢的母親和報稱商人的後父，阿嬌一直畀人衣食無憂的印象，但原來佢並非來自中產家庭，本刊翻查阿嬌的出生證明書，現名鍾欣桐的她原來曾兩度改名，原名叫鍾狄珊的她在兩歲時改名為鍾嘉勵。此外，嬌的生父鍾樹發從事魚類繁殖，家住幾百呎、現已清拆的公屋慈雲山村，巧合地阿嬌的後父同樣姓鍾，而且更住在慈雲山村側邊的竹園村，又會蹺成咁嘅！極之錫身的吳尊形象健康，就連與饒珮君跳舞，都借位免惹緋聞，相信《武俠梁祝》改由阿Sa 頂替，吳尊的fans 們可以鬆一口氣啦！
阿嬌一心打算轉型改戲路，在陳凱歌嘅文藝片《梅蘭芳》客串一角，可惜最後因為形象受損，而被抽起幾場戲分。
吳尊粉絲知道阿嬌落實被飛，由阿Sa 頂上即大為放心，唔想偶像同天真嬌有任何接觸。
日本避世阿嬌繼千萬代言廣告被飛起後，為免進一步拖累票房，在《梅蘭芳》的戲分亦全刪除，而由娘家英皇投資、與緋聞男友方力申合作的《出水芙蓉》亦未定上映日期。
而原本擔正大旗的《武俠梁祝》，最後亦落實由阿Sa 拍住吳尊頂上，於本週一（17日）的《武俠梁祝》記者會上，吳尊力撐拍檔阿Sa ，「其實一直都話係拍阿Sa ，中間佢個期唔得就換咗阿嬌，而家又換番阿Sa 咋，都冇咩所謂呀。」
至於陪阿Sa 出席活動的經理人Mani ，就對記者說阿嬌現人在日本，學音樂、語言同跳舞。「佢去個零月啫！（幾時復工？）未決定！會公布啦！」
Sa 頂嬌上陣吳尊最初力撐阿嬌沒有被飛出《武俠梁祝》，但週一（15/3）的記者會正式宣布女主角由阿Sa 頂替，吳尊解釋：「最後都係由導演話事。」
冇嘢落鑊阿嬌同方力申合作嘅《出水芙蓉》，由英皇投資三千萬，原定於暑假上映，但阿嬌避走香港，影響宣傳工作。阿嬌冇後路？自從淫照風暴後，阿嬌的工作量大大減少，廣告商嫌棄外，就連原本食到落口的電影都被飛出局，唔通阿嬌以後真係要靠炒樓賺嘅錢養老？
Juno 哥唔想簽Juno 大哥麥浚翹：「我公司現階段冇諗過簽其他藝人，至於有關阿嬌嘅事最好問番Mani 啦，我地唔方便回應。」
阿一唔考慮蕭定一：「阿嬌單嘢而家都仲未完，所以我哋都唔會考慮搵佢拍戲喇，遲吓過一排睇吓點先啦！」採訪、撰文：娛樂組
攝影：攝影組
