娛頭:密照流出玉女Stephy放蕩大揭露
被指是淫照女主角之一的Stephy 鄧麗欣，即時與緋聞男友陳冠希劃清界線，但一波未平，又被傳出遭男藝人強姦的負面新聞，玉女聲譽蕩然無存，經理人公司「金牌」為保護Stephy ，終在二月廿九日發聲明作絕地反擊！
對近日自稱是「小朋友」偶像的Stephy ，本刊從絕密途徑得到一批她在○五至○六年的夜蒲照，相中Stephy 穿上性感Tube Top ，玩到high 晒對住鏡頭不斷擺出「嘟嘴」及「矇眼」等誘惑甫士，男女埋身歡迎任攬的她在蒲場甚至有「千杯不醉」稱號。玉女真面目，令人嘆為觀止。
以為淫照事件可告一段落，但未幾Stephy 又被傳遭男藝人強姦，純情Stephy 連番被負面消息追擊，全因她私下愛四圍蒲𠝹仔有關。
○一年以女子組合Cookies 入行的Stephy ，多年來緋聞男友一大堆，除了人所共知的Edison 及方力申外，李燦森、鄭中基、古巨基、劉浩龍及排舞師Sunny （黃國榮）亦榜上有名。「○二年拍《九個女仔一隻鬼》，同Edison 撻住，不過當時男方同一時間有幾個女朋友，包括BoBo 同阿嬌，Stephy 忍唔到，幾個月就同Edison 玩完。」知情者說。
同Edison 分手後，Stephy 亦不愁寂寞，身邊男友一個接一個。據知，○三年鄭中基（Ronald ）與李燦森（Sam ）拍《龍咁威》時，兩人乘機力追，最後Stephy 揀了李燦森，但關係只維持了短短數月。知情人說：「佢（Stephy ）係嗰種唔可以無拖拍嘅人，同阿Sam 分手無耐，就同咗Ronald 一齊，其實佢只係怕悶先一齊。」
Stephy 之所以吸引到咁多異性，全因玩得夠放！在屯門長大的她，未入行前，便經常約埋成班同學，聯群結黨喪蒲𠝹仔，入行後亦孖住Miki （楊愛謹）到夜場尋開心。「佢玩得好醒，多數都係去熟朋友開嘅私竇玩，出入慣走後門，方便避開啲狗仔隊。」知情者說。
到處留情
外表清純的Stephy ，一副鄰家女孩模樣，除了是少男殺手，亦電暈唔少圈中異性，真係人不可以貌相。
02年拍電影《九個女仔一隻鬼》時，與陳冠希合作戲份最多，隨即撻住。
03年拍電影《龍咁威》先後與李燦森、鄭中基傳緋聞，當時Stepty 先與李燦森秘密拍拖，再與鄭中基發展地下情，其時，楊千嬅仍未同鄭中基分手。
03年因為演出舞台劇《大衛營》，同鄭中基暗度陳倉的Stepty ，暗地跟古巨基交往近一年，有傳當時基仔正印女友Lorraine 得悉真相後大發雷霆，要基仔立即斬纜。
04年傳與劉浩龍秘密拍拖，但遭男方否認，更笑指Stepty 是未成年少女。
05年合作新歌為由，同陳冠希齊齊飛到台灣，兩人在酒店幽會，但返港後仍死撐只是普通朋友。
05年經常到排舞師Sunny 開設的酒吧夜蒲，兩人由朋友變為拖友，是圈中的公開秘密。
06年金牌力捧上位，安排與方力申做熒幕情侶，拍完電影《獨家試愛》後，兩人發展成為情侶。
口出狂言
自從有聲明在手，「清白」Stephy 近日不斷語無倫次，明踩其他淫照女主角，口出狂言。
事件一Stephy 接受訪問，講解新戲角色性格時，以「好傻、好天真」來形容，「明寸」阿嬌，但她事後否認其事，無意向對方加一腳。
事件二自爆有很多小朋友fans ，希望做好榜樣，再被指執阿嬌口水尾，以及明搶Twins 兒歌天后飯碗。
事件三傅穎（Theresa ）早前公開說，無一億懸紅，唯有跟提供淫照人士影一輯相同淫照，希望令廣告商放心。事後Stephy 強調自己獲一眾廣告商信任，暗寸Theresa 言論只會引人遐想。
急住澄清
淫照風暴令鍾欣桐形象破產，廣告商紛紛飛起她，為保住飯碗，涉及有關淫照、甚至強姦案的藝人，相繼發聲明澄清，甚至懸紅億元，以表清白，但避得初一避唔到十五，Stephy 玉女形象還是要爆煲。
蔡依林蕭亞軒
蔡依林、蕭亞軒被傳是淫照女主角，蔡依林在二月廿六日發聲明澄清，並懸紅一億元台幣（約港幣2,500萬），提供給有真實照片人士。同日，蕭亞軒亦發出一億懸紅，如有影過淫照，全數將撥捐慈善機構，還向廣告商承諾，願賠償100倍代言酬勞金額。
鄧麗欣
Stephy 除被傳是淫照女主角，還被傳遭男藝人強姦，「金牌」見事態嚴重，於二月廿九日發聲明澄清，聲言會保留法律追究權利。
蔡加怡
貴為最索上市公司主席的蔡加怡，在三月七日發聲明，並入稟控告第498期《快周刊》一篇報導，內容涉影射她是淫照女主角，要求刪除有關報導並作出賠償，並與陳冠希劃清界線。愛女心切的玩具大王蔡志明願出一億元港幣緝相，即使只是蔡加怡跟陳冠希的食飯相，一樣有錢嗱。
方力申
就藝人遺失手機的《A 小姐B 先生》短片勒索事件，金牌將於日內會發聲明，澄清方力申並非傳聞中的B 先生。
四角關係
○四年，Stephy 被發現跟Edison 到台灣酒店密會，雖然仍死撐無拍拖，其實兩人斷斷續續拖拉了兩年，直至Stephy 同方力申拍完《獨家試愛》撻住，才主動跟Edison 斬纜。「當時係四角關係，Edison 同Stephy 一齊嗰陣仲有搵阿嬌，而阿嬌亦係一腳踏兩船，同方力申拍拖，仲一齊被人影到去瑞士過情人節！」
Stephy 同方力申拍拖後，開始減少夜蒲，轉feel 在家玩「煮飯仔」，拍拖初期更高度保密，連公司同事都呃埋。「佢哋一直無認拍拖，只響圍內朋友面前先會攬攬錫錫，平時小方多數去Stephy 響奧海城嘅屋企玩，有次響奧海城停車場咁啱撞到袁詠儀響度拍劇，小方都好騰㗎，拍劇咁多人，好易俾人知佢去搵Stephy 。」
千杯不醉
在公開場合愛扮斯文玉女的Stephy ，只要踏入夜場，便會變成𠝹仔不留手的「夜之女」，名副其實「外表斯文，內裡Open 」。在○五至○六年的夜蒲照當中，Stephy 穿上性感Tube Top ，不時對住鏡頭「嘟嘴」及「矇眼」，在鏡頭背後，有指Stephy 表現更加豪放，與當時的男友Sunny 面貼面大跳辣身舞。
「佢嗰時成日去Sunny 同城城（郭富城）夾份投資嘅Mooch 蒲，每次見佢都會著得好性感，Tube Top 、露背、短裙，又同Sunny 攬實晒跳舞，玩得好放。Stephy 亦出晒名飲得，好多男仔都唔及佢，飲半支威士忌可以面不改容！試過有次飲到high 晒，有個圈中人埋去摸佢pat pat ，Stephy 都無反應，繼續同人玩骰盅，之後有冇下文就唔知。」知情者說。
明寸阿嬌
淫照風波擾攘個多月，女主角之一的阿嬌發出「天真論」遭狂插，唯有黐實富貴Juno 避風頭；繼續匿埋湊仔的張栢芝則傳出婚變；至於一心諗住做少奶奶的BoBo （陳文媛）婚期亦「撻Q 」。一眾女主角，無好下場。
不過，同被列入淫照黑名單的Stephy 卻風騷快活，連日來大講風涼話，其中對阿嬌（鍾欣桐）更加毫不留情。先在電影宣傳中以「好天真、好傻」來形容新戲角色，又在專訪中自稱是小朋友偶像，取代Twins 位置。
二月廿九日發出「自清」聲明，Stephy 說話開始句句有骨，全因她確實並無淫照在警方手上。「第一批淫照出咗，公司已經好擔心Stephy 有份，因為知道佢同Edison 真係有拍過拖，唔少客都打電話嚟要公司講清楚，後來Paco 透過律師方面了解，知道所有相都無金牌嘅人份，大家先安心。」知情者說。
