鄭少秋秋官$0帛金 鄭欣宜心死

1^# 大中小 cheshire (IP: x.184.192.x) 發表於 2008-3-7 09:06 發短消息只看該作者

娛頭:秋官$0帛金　欣宜心死
「個女冇老豆㗎咩？吓？點解啲責任落晒喺世叔伯呀、Auntie 呀？點解到依家先見鄭少秋出現？」鄧光榮在追思會上連珠炮轟鄭少秋，令悲傷場面傳出陣陣火藥味。
據知，與肥姐情同親兄妹的鄧光榮，在追思會舉行前，親眼目睹秋官在後台要求欣宜全程陪伴在側，甚至要求女兒幫他夾定口供，回應記者有關他之前何以三拒探在ICU 危在旦夕的肥姐，因而怒火中燒。
肥姐離世十二日後才現身的秋官，未有為前妻葬禮出錢出力，只送了一個千元花牌弔唁，他在台上的自辯，更將責任一一推到欣宜身上，薄情父所作所為，令肥姐一班生前好友十分震怒，連向來視父親為偶像的欣宜，在失去母親同時，更對秋官徹底心死。
貨不對辦
上週六（三月一日）鄭少秋由橫店返港，早前曾向傳媒透露已向劇組請假四日，預備出席三月二日肥姐追思會同時，亦會抽時間陪伴欣宜。只是秋官的話未有完全兌現，週六傍晚抵港的他，未有即時到新世界酒店探望女兒，翌日出席完追思會，便馬上乘車返回禮頓山寓所，之後一連兩日足不出戶，繼續置欣宜不理。
被千夫所指，跟肥姐離婚廿年的秋官，仍有不少支持聲音，至於鄧光榮的火爆行為，則被指破壞了追思會的氣氛。不過，身為肥姐契哥的鄧光榮，在追思會上不顧一切發難，原來別有內情。
「無線原本無安排鄭少秋同欣宜坐埋一齊，秋官一去到紅館後台，就詐晒型，又拉住欣宜，要個女全程陪住佢，仲要同佢夾定口供，如果有記者問起，要點樣答，咁啱俾同場嘅鄧光榮睇到晒，已經嬲到頭頂出煙，忍唔住喺台上轟秋官。」知情者說。

俾面高層
鄧光榮睇穿秋官企圖洗脫罪名的把戲，已經谷埋一肚氣，見秋官進入場館，更即時側著身，搵背脊得住對方，其時秋官未有第一時間就座，反而走向無線行政主席邵逸夫太太方逸華面前打招呼，還跟曾勵珍、樂易玲等無線高層擁抱問候。
「今次秋官係答應無線高層曾勵珍出席，其實肥姐生前都曾經喺節目同欣宜講過，係TVB 先請得郁『爹哋』，真係諷刺！」
秋官未有到加拿大出席肥姐葬禮，他曾透過助手以手機短訊表示，這是欣宜意思，因女兒說葬禮人數已經額滿，但負責籌辦肥姐喪禮的陳淑芬，反稱如秋官要現身喪禮，絕不會將他拒諸門外，一一推翻了秋官的說法。
雖然肥姐臨終前已放低跟秋官的仇怨，但欣宜眼見父親對媽媽的冷漠，難免心如刀割。事實上，自肥姐病危入院直至離世，一直只有欣宜主動致電父親報告情況。「秋官根本未有打過電話俾欣宜，好多肥姐生前好友都睇唔過眼，個老豆點解對個女不聞不問；今次肥姐過身，個女得嗰二十歲，秋官無為個葬禮出過力，仲連一毫子心意都冇出過，只係送咗個花牌去追思會就算！」知情者說。

表現冷靜
在追思會上，不少肥姐生前摯友及觀眾，看著現場大銀幕，播放肥姐生前片段，以至她抗病的經歷時，均忍不住熱淚盈眶，只有秋官全程表現冷靜，沒有過激的情緒，連半滴傷感的眼淚亦欠奉。
追思會甫開始，欣宜已經淚如雨下不停抹眼淚，坐在身旁的秋官，剎那間慈父上身，不斷安慰欣宜。
到鄧光榮上台致悼辭時，突然發難炮轟。「點解到而家先見鄭少秋出現，秋仔，你上嚟同大家表白吓啲年嚟，你對阿肥付出嘅係啲咩嘢，對個女有無付出過啲乜嘢，如果你話唔理個女嘅，唔緊要，我哋喺度！你上嚟呀！」鄧光榮這番激進言論引起一陣掌聲。
仍然保持冷靜的秋官，嘴角稍微一笑，似在盤算如何解困局。當他站起身，更第一時間拖著身旁正在拭淚的欣宜，明顯是要借個女幫手解圍，但欣宜毫無反應，繼續坐在觀眾席。直到坐在欣宜另邊的劉家昌，在她耳邊說了一句話，才起身跟隨父親上台。欣宜的表現，可見她對這個無情父親，已不再像昔日般尊重。
，呢
觀眾發火
「我一直都唔能夠好好照顧欣宜，係因為我同阿肥嘅婚姻失敗咗，阿肥就將欣宜送咗去加拿大，而我亦都為口奔馳，先能夠維持我嘅生活。欣宜係我個女，我當然係要俾愛俾佢啦，我係要盡量做好我嘅
秋官愈自圓其說，觀眾愈起哄喝倒采，更大嗌「藉口！」、「收聲啦！」無法平息群眾怒火的秋官，雙眼不停望向欣宜，希望她可以幫手解畫，只見女兒無動於衷，秋官唯有續說：「我只可以將真相講出嚟！」情急的秋官又再次望向欣宜問：「我應該講定唔講好！」欣宜依舊無反應，扁扁嘴點頭。
對肥姐三次在ICU 徘徊生死邊緣，都拒絕探望的秋官說：「聖誕節同新年前後，我一直都有約個女出嚟見面，了解佢，同埋表示支持，但係個女話唔好啦，因為佢要陪媽咪，媽咪唔舒服，佢唔想嚟同我去食飯而放低媽咪喺度。我話我可唔可以去探佢呀，但欣宜話，每次有人探佢，佢都會夾硬支撐住精神去招呼朋友，過後反而更辛苦！」
秋官將一切推到欣宜身上，引起現場群情洶湧，不停有人大嗌：「收聲啦你！」、「負心人！」
見火藥味愈來愈濃，欣宜終於挺身打圓場：「我覺得今日我哋辦呢個追思會係為咗紀念媽咪，我哋不如唔好俾咁多是非，或者有心人做出嚟嘅事，影響到我哋懷念媽咪！」
本份。」
二七法事
被父親擺上枱，即使欣宜的說話得到如雷般的掌聲支持，但內心的傷痛，欣宜已用行動表態。甫下台，她即時與甄珍調位，不願再同秋官坐埋一齊。
「欣宜真係大個女，佢雖然唔認同父親所為，但亦唔想見到佢難堪，更加唔想媽咪走得唔安樂，不過佢心裡面好難過，秋官離開紅館時，欣宜都無同老豆擁抱，我哋睇得出佢對父親已經死晒心！」知情者說。
得唔到父親照顧的欣宜，本週一下午二時與陳淑芬、張徹太太、李琳琳等，返回劍橋花園寓所燒衣替肥姐「二七」做法事，為母親送上最後心意，繼續孤身走我路。

罪人自辯
自肥姐患病以來，身為欣宜的父親，肥姐前夫的鄭少秋，探病次數絕對寥寥可數。自肥姐去世，外間對秋官未有盡責的指控更數之不盡，成為千夫所指的罪人，秋官亦有自己一套應變方法，對所有指控，設計解畫。

罪狀一︰無探病
秋官：「聖誕節同新年前後，我一直都有約個女出嚟見面……仲有我話我可唔可以去探佢呀……但欣宜就話，每一次有人去探佢嘅時候，佢都會夾硬支持住精神去招呼朋友。後來，佢再入院喺ICU （深切治療部），我想去探她，阿女話等媽咪轉私家病房至嚟探佢啦，但一直聯絡唔到。」

罪狀二︰無俾家用
秋官：「離婚時已經俾過贍養費，當時我俾咗現金一百萬，仲有我同阿肥各佔一半嘅加拿大間屋，價錢係四十四萬四千，另外，滿湖花園嘅首期各佔一半，我亦俾埋佢。」

罪狀三︰無出席肥姐葬禮
秋官：「肥肥離去當日，我有同欣宜通電話，我問佢有冇事要幫手，佢話唔使。我唔去加拿大，只去三月二日追思會，都係依欣宜嘅意思。」

肥姐讓步
多年來，肥姐對秋官當年拋妻棄女的行為，曾以「絕情」來形容他，但多年後，眼見欣宜視父親如偶像，為顧全大局，肥姐甚至作出讓步原諒對方。

中學畢業禮
自小缺乏父愛的欣宜，長期留在加拿大讀書，每次有機會跟父親相處，都非常珍惜。欣宜小學畢業，秋官未能出席觀禮，令欣宜非常失望。
直至05年，欣宜中學畢業，肥姐為了給女兒驚喜，私下跟秋官夾計，令欣宜以為父親不會赴加觀禮，但其實秋官早已飛抵加拿大，並突然出現送花給女兒，令欣宜驚喜不已。

病住撐場
肥姐曾在訪問中說欣宜很欣賞和鍾意Daddy 。06年，秋官與陳寶珠合演舞台劇《天之驕子》，欣宜向肥姐提出要到現場欣賞演出，雖然當時肥姐已有病在身，但仍撐住身體，陪女兒去捧秋官場。

姊妹情
肥姐痛恨官晶華，但對她跟秋官所生的兩個女兒沒有反感。年幼時的欣宜，曾邀請同爸異母的妹妹到家玩狗。肥姐說：「我也很疼錫他們的女兒，無論如何都是欣宜的妹妹，她們叫欣宜做『肥家姐』。」

肥姐與鄧光榮
性格火爆的鄧光榮，在肥姐的追思會上，突然當眾公審鄭少秋，沒有盡父親責任照顧欣宜，原本莊嚴的追思會頓變成公審擂台。
對於鄧光榮的做法，不少肥姐的好友感到反感，羅家英更痛斥鄧光榮多餘，甚至有網民和觀眾，投訴及聲討鄧光榮，將肥姐追思會蒙上污點。

體諒秋官
羅家英：「係，秋官好委屈，係啲人多鬼餘，兩夫妻嘅事關你乜嘢事。」
曾志偉：「人哋家事，當中可能有好多苦衷，呢個場合真係唔適合，覺得佢激動咗少少。」
狄波拉：「家家有本難念的經，欣宜始終係姓鄭。」
白韻琴：「鄧光榮好過份，傷害咗肥姐一生中最愛兩個人。」

支持鄧光榮
陳淑芬：「肥姐係希望做爸爸嘅多啲理個女，欣宜俾爸爸拉上台，我都為佢擔心，大哥都係錫肥姐先咁樣。」

學生王子
人稱「大哥榮」的鄧光榮，1946年9月20日出生，祖籍廣東順德，當年在新法書院讀中學的他，愛在花墟球場踢波，因為靚仔加上球技出色，已在該區打出名堂，遂更得到電影人賞識，十七歲便初登大銀幕，演出青春校園片《學生王子》（1964），憑俊俏外表在電影界走紅，曾到過台灣發展的他，作品包括《兔女郎》（1967）、《飛男飛女》（1969）、《淘氣女歌手》（1971）、《色字頭上一把刀》（1972）、《黑豹天下》（1993）等。
除了拍電影做男主角，鄧光榮在七十年代更轉執導演筒，作品包括由他自導自演的《出冊》（1977），以及《家法》（1979）
1977年，鄧光榮投資開設電影公司「大榮影片」，之後再創辦「影之傑影片公司」，出品電影包括由劉德華、張曼玉主演的《旺角卡門》，以及在香港電影金像獎囊括多個大獎的《阿飛正傳》。
熱愛電影的鄧光榮，私底下更是狗痴一名，現正出任港九狗會（HKKKA ）主席兼執行委員；至於感情生活，多年來少有傳出緋聞的他，當年與現任妻子Janet （嚴小屏）拍拖也十分底調，二人育有兩名女兒，與欣宜由細玩到大，感情要好。