孤注一擲 阿嬌主動求婚箍Juno

1^# 大中小 yin (IP: x.77.5.x) 發表於 2008-2-21 10:55 發短消息只看該作者

相關主題: 阿嬌

孤注一擲　阿嬌主動求婚箍Juno
鍾欣桐（阿嬌）自淫照風暴後，健康形象全面瓦解，不單遭廣告商索償，連陳凱歌新片《梅蘭芳》中的戲份，亦全部被刪走。
事業凍過水，阿嬌卻毫不在意，據知出事後，她匿入緋聞男友之一麥浚龍（Juno ）過億豪宅過年，開賭局大玩魚蝦蟹，更有傳情人節當日她反客為主向Juno 求婚。但求上岸唔撈，的確唔使擔心。

「開心樣」出事後，阿嬌在《雪中送暖》節目中刻意木口木面補鑊，但依然被網民插爆。

阿嬌在淫照事件後首度露面，手上所戴的情侶戒指（Jacob &Co.Eternity Band 系列），男友Juno 在早前亦戴上同品牌（Jacob &Co.Wedding Band 系列）拍攝《Milk 》封面，二人戀情因而浮面。

二人拍電影《破事兒》時已經傳出緋聞，不過就雙雙否認，到阿嬌出事，戀情又突然浮面。
嬌媽最驚
連日來被網民插爆的阿嬌，星期日（二月十七日）出席無《雪中送暖》首個公開節目時，收起先前「開心樣」，在鏡頭前刻意木口木面。當日雖然有fans 撐場，又做慈善騷，廣管局依然破紀錄收到二千三百宗投訴。
健康形象盡毀，嬌媽在出事後兩度現身英皇與經理人霍汶希密談，憂慮愛女前途。「佢見到Mani 就喊到收唔到聲，話阿嬌要養家，好驚個女冇得撈，反而阿嬌就無乜，就算見到公司同事都笑笑口。」知情者說。

阿嬌向自己求婚一事，Juno 開心得同朋友周圍講，不過屋企人就唔睇好。

阿Sa 雖然冇做錯事，但依然被廣告商嫌棄，本來飛的廣告亦冇，真係有排煩。
寄情賭博
阿嬌定過抬油，全因有米男友照住。去年初跟Juno 撻的阿嬌，雖然一直否認拍拖，但自從淫照流出，兩人關係忽然地面化。被踢爆戴情侶戒指外，阿嬌更有屋企唔返，匿藏Juno 位於淺水灣的過億豪宅兩星期。情人節當日，Juno 更在Blog 上大晒幸福，自稱收到Cartier 火機的情人節禮物。
「新年佢Juno 屋企開賭局玩魚蝦蟹，成日同人講自己唔識賭Juno 都落場陪佢玩，阿嬌不知幾開心，贏就自己袋，輸就Juno 俾。」知情者說。
Juno 死心塌地，更覺得阿嬌對自己出自真心，才會放低女性矜持，主動向他求婚。
「阿嬌雖然一向都鍾意靚仔，但Juno 都好識佢，加上件事發生之後，阿嬌知自己事，有個男人咁死心又有錢，佢點會唔識計數。情人節日，阿嬌仲主動同Juno 講結婚，搞到個傻仔開心到周圍同朋友講，但大家都知發生咩事，叫佢諗清楚！」Juno 身邊朋友說。

叮出《梅蘭芳》

攬得住Juno ，但事業就全面告急。阿嬌擔任纖體代言人的「瘦得起」向她追討賠償一百萬，而去年拍下英皇有份投資的電影《梅蘭芳》，亦因為梅蘭芳之子梅葆玖極力反對，阿嬌之前所拍的戲份要一格不留。
阿嬌惹禍，還連累好拍檔阿Sa 被廣告商嫌棄。
「有個波鞋廣告係阿Sa 自己飛，連錢都收埋，點知個老闆話Twins 係一個品牌，阿嬌出事，都唔可以用阿Sa ，而家斟緊其他人頂替。」知情者說。
有Juno 照住，天真嬌可以繼續天真；難為阿Sa 亦被「追擊」，損失慘重。

去年七月開拍《梅蘭芳》時，阿嬌跟導演陳凱歌（右二）、黎明及章子怡等人出席記者會。出事後，身為梅的兒子梅葆玖（圓圈）就堅持棄用阿嬌

阿嬌健康形象盡毀，她做代言人的「瘦得起」纖體公司，以她毀約為由要求賠償一百萬。

廷伸閱讀/相關主題推介:

相關主題:阿嬌

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 chu-mimi (IP: x.48.38.x) 發表於 2008-2-21 13:08 發短消息只看該作者

嬌媽在出事後兩度現身英皇與經理人霍汶希密談，憂慮愛女前途。「佢見到 Mani 就喊到收唔到聲，話阿嬌要養家，好驚個女冇得撈
嘩~講到嬌媽當個女係搖錢樹咁

Juno 死心塌地，更覺得阿嬌對自己出自真心，才會放低女性矜持，主動向他求婚。
「阿嬌雖然一向都鍾意靚仔，但 Juno 都好識佢，加上件事發生之後，阿嬌知自己事，有個男人咁死心又有錢，佢點會唔識計數。情人節日，阿嬌仲主動同 Juno 講結婚，搞到個傻仔開心到周圍同朋友講，但大家都知發生咩事，叫佢諗清楚！」 Juno 身邊朋友說。
呢段好鬼啜核

講到女既成個cheap精咁
男既比人當傻仔

TOP

3^# 大中小 shingling (IP: x.232.242.x) 發表於 2008-2-21 14:10 發短消息只看該作者

亞嬌可能驚自己跌到谷底, 冇得返身....hold住個水泡先

罪大惡極????

TOP

4^# 大中小 tabobomber (IP: x.18.222.x) 發表於 2008-2-21 23:06 發短消息只看該作者

好心阿嬌學下EDISON退出娛樂圈啦!

TOP

5^# 大中小 pamela (IP: x.254.0.x) 發表於 2008-2-22 06:45 發短消息只看該作者

佢真係嫁左畀juno 先再宣佈退出唔遲....
佢又唔係有錢女, 點都要留條後路畀自己

TOP

6^# 大中小 Loretta (IP: x.167.167.x) 發表於 2008-2-22 10:54 發短消息只看該作者

JUNO is really naive and silly.

TOP

7^# 大中小 yohurt (IP: x.203.61.x) 發表於 2008-2-22 14:48 發短消息只看該作者

都唔知係咪真既,juno家族話哂有頭有面,就算娶個藝人新袍都未必肯啦,何放家陣重搞到咁大擭.

TOP

孤注一擲 阿嬌主動求婚箍Juno

廷伸閱讀/相關主題推介:

孤注一擲　阿嬌主動求婚箍Juno