呢輪陳冠希單「網上淫照」事件搞到滿城風雨，外間傳佢著草去咗波士頓同佢個留緊學嘅女友Vincy （楊永晴）補鑊。到底依家佢響邊就冇人敢講，但媽咪姐就知道Vincy 響事發前半個月，原來秘密返過嚟香港。
上月中，媽咪姐響尖沙嘴嘅city'super 撞到Vincy 同朋友響度high tea ，之後自己行街。見佢漫無目的，應該係約咗人未夠鐘。其間佢一邊行一邊不停咁講電話同send 短訊，好鬼緊張咁。最後佢買咗盒外賣壽司，就俾司機接走咗，睇嚟佢都係送外賣俾陳冠希啦。
平時對男友都咁緊張，今次男友斷正，Vincy 肯定傷心到死，不過陳冠希咁叻
女，應該肯定拆得掂！
High tea 期間，Vincy （右）同友人有一句沒一句，明顯心不在焉。
之後Vincy 獨自逛商場，但全程狂send 短訊。
最後佢返入city'super 買咗盒四十零蚊嘅壽司，由司機接走。唔通係趕住去餵飽陳冠希？
