封面故事:全城圍剿尠草賤男 張芝發律師信控告陳冠希
本周一（2月4日）下午，警方召開記者招待會，警務處助理處長黃福全表示，就淫照事件，警方會正式落案起訴一名男子。案件涉及6位女星，起出約1,300張相片，並相信已經找到發放淫照的源頭。
不過，事件真正的始作俑者、淫照的真正來源陳冠希，要到了事發後十日，在輿論壓力下才向受害者公開道歉。近日網上有署名「來自世界各地的廣大網民」的市民，發起網上聯署，強烈譴責拍攝相片者顛倒是非，將自己不道德、不負責任的行為推卸到網民身上。社民連主席黃毓民都公開表示：「警方已經拉咗發相嗰個人，咁點解唔拉影相嗰個？」
據本刊得悉，原來栢芝已於2月3日，已向陳冠希發律師信要求巨額賠償，陳冠希終於要為自己的所作所為負上責任。
上期本刊獨家披露陳冠希因將他的蘋果手提電腦拿到中環一間電腦店維修，致淫片被人盜錄，再輾轉流到神秘人手中。本周一（2月4日）下午，警方召開記者招待會，表示已經找到相信是盜取相片的元兇，並會以「不誠實取用電腦」為由作出起訴。警方又指在中環「eLiTe Multimedia Ltd.」內拘捕一名男子，現正調查該店的持牌人。
事實上自警方高調拉人後，再沒有新的淫相在網上出現，事情看似水落石出。不過，三位疑似女星已受到嚴重傷害：即將出嫁的陳文媛被傳婚訊出現波折，鍾欣桐閉門不出，更一度傳出自殺消息，至於近年已婚並育有一子的栢芝，更傳出與霆鋒鬧婚變。
2月3日晚，本刊收到最新消息，指栢芝已向陳冠希發出律師信，循民事訴訟提出因對方「疏忽處理文件」而要求賠償。
2月4日下午，警方召開記者招待會交代案情。助理警務處長黃福全指，已尋出疑似藝人淫褻照片案的源頭。雖然放相的「源頭」被捕，但事件真正的源頭陳冠希卻身在美國遠離輿論的責難。
淫男變鈍男
2月4日晚，陳冠希身穿白色恤衫，頭髮散亂地自拍video 公開回應事件，並指依家佢正在協助警方調查，不便交代真相。另他又對受害者道歉及呼籲市民毀滅手上的淫照。不過有網友睇完段片就指，佢十日後先出來回應，加上段片似公民教育宣傳片多於道歉，誠意令人懷疑。
在眾多淫照當中，以六張疑似栢芝的相片最為清晰，甚至四點盡露，難怪最受人談論。
拉姑聞栢芝黑面
雖然拉姑在人前經常讚栢芝係好新抱，不過在人後卻對栢芝意見多多。事實上自霆鋒同栢芝結婚後，直至栢芝生了Lucas ，拉姑才對她的態度有轉變。但每日例必到霆鋒家探孫仔嘅佢，竟一連幾日沒有到訪，拒見栢芝。
拉姑一向都喜歡同男友鬍鬚Kong 去太古廣場嘅COVA 飲下午茶，幾乎風雨不改。但近幾日已不見她的蹤影，原來佢已轉場去咗IFC 以迴避記者。
記者一提起栢芝，拉姑即刻極速黑面，並拉著鬍鬚Kong 離開。
巨額賠償
據了解，目前栢芝的情緒極之低落，更一度厭食而極度消瘦。雖然該輯疑似相片是在她與霆鋒復合之前拍攝，卻得不到丈夫的諒解，婚姻亮起紅燈。至於工作方面，據悉今次事件已令她損失了一份七位數字的內地時裝代言人合約，形象上的損失更加難以估計，更有可能令她的事業毀於一旦。一名與她相熟的律師就向她獻計，指這宗官司「有得打」。一旦打贏官司，以她目前在香港及國內的知名度，加上心靈及情緒上的損失，有可能獲得為數以千萬計的巨額賠償。
知情者說：「依家啲相已經喺警方手中，佢哋要向之前嘅被補者落charge ，一定會判斷啲相係真定係假。其實大家心知肚明，冇得再賴係移花接木，以後仲有冇人搵栢芝做嘢都唔知，惟有希望收返筆錢好過乜都冇。」事實上，去年五月栢芝已經因為與中國星的電影合約問題，與向華強太太陳嵐對簿公堂，估唔到一年未夠，又要打官司。
曾力撐張栢芝的向華強夫婦，待栢芝如親女兒一樣，但因栢芝在未有計劃的情況下宣布與謝霆鋒結婚，令向太非常心痛。兩人從此解除經理人合約，栢芝後來更為追討未收到的一千萬六百萬酬勞而興訟。
富豪出錢打官司
今次栢芝之所以出律師信索償，原來係背後有神秘富豪肯出錢俾佢打官司。
據悉，栢芝有一位圈外好友「龍哥」，本身是香港人，為國內的地產發展商，在澳門亦有經營賭廳。每年新年栢芝去拉斯維加斯度假，機票食宿都係由佢包起。龍哥一直好疼錫栢芝，所以得悉今次事件後，就立即致電慰問，並對她表示全力支持：「我俾錢你打官司，幾多錢都唔緊要，打到贏為止！」知情者透露。
就今次事件，記者問過黃國桐律師，受害女藝人能否索償。他表示：「其實三個單位，即拍攝者、發放者和偷取相片的電腦公司，受害人都可以要求賠償。不過，要告梗係告最有錢嗰個。」
陳冠希曾說過自己銀行有八千萬存款，儲夠億五就同女友Vincy 結婚，若佢今次敗訴，相信佢連老婆本都會蝕埋。
拉姑拒見栢芝
今次事件，除栢芝本人外，老公霆鋒及家公家婆同樣飽受困擾。據悉每日都會去太古廣場Cova 飲下午茶，之後去探孫仔嘅拉姑，近日已經冇再去探過栢芝同孫仔。當記者打算問她有關栢芝的近況，佢立即怒啤記者，回答：「咩都唔好問，我唔會答！」
至於四哥謝賢的反應就更大。本周一（2月4日），記者致電他求證栢芝控告陳冠希一事，當佢得悉係記者時，竟立即破口大罵然後cut 線。第二次再打俾佢，四哥情緒顯然稍為平復，但仍然非常火爆。
記：近日有消息指栢芝會告陳冠希，係唔係有件咁嘅事？
四：你知咪得囉。（之後又鬧咗記者一大輪。）
記：你會唔會支持栢芝咁做？
四：多鬼餘！（繼續鬧，下刪幾十字。）
記：件事係唔係已經交俾律師處理？
四：你哋知道就得啦！使乜問我啊！
至截稿前，一走了之的陳冠希在事發十日後才透過律師行向各受害人道歉，不過現在他要面對的，再不是別人的原諒，而是巨額的索償。
就今次淫照事件，謝賢顯得非常火爆，仲話：「俾我搵到個真兇，我一定要將對方啲肉一忽一忽咁撕落嚟，將佢啲筋一條一條咁抽出嚟，先至可以洩我心頭之恨。」做咗人阿爺都咁好火，四哥你係得嘅！
女星出面索償額較高
本刊就受害女星可否就民事索償追討損失，向黃國桐律師了解。黃國桐表示女星可以用對方疏忽處理為由，向拍攝照片者索償。若刑事檢控成事，則民事訴訟便可以順利進行。
另外，黃國桐表示女星可以向偷取照片的電腦公司及發放照片者索償：「就算啲女星唔控告電腦公司，警方都一定控告電腦公司，因為偷竊屬於刑事罪行。不過，相對嚟講女星控告電腦公司會容易啲入罪，因為有刑事成分，然後以民事再追討賠償，索償金額亦都會多啲。」
至於女星所屬的經理人公司，亦可為女星循民事索償，「不過經理人公司追討主要係利益受損，女星本身可以再加埋精神受損、名譽損失、心靈受創等等幾種金額要求索償，賠償金額應該會比由經理人公司提出追討較多。」
緋聞女星爆Edison 性癖好
陳冠希風流就係人知，但係究竟佢嘅床史有幾淫亂荒唐，亦因淫照事件而顯露一麟半爪。本刊經特別渠道，訪問了陳冠希數十位緋聞女星中的其中一位。該名不願透露姓名的女星表示，跟陳冠希斷斷續續交往了兩年多，兩人不時發生親密關係。曾對陳冠希死心塌地的她，更大爆陳在床上的特別癖好，本刊歸納了以下五點：
（一）陳冠希有性需求時，就會順著電話的通訊錄由A 至Z 來找對象，在名單中的女友，就算對方只有一面之緣，他都不介意一次生兩次熟，約會對方作進一步了解。
（二）作風前衛大膽的陳冠希，在性事上一樣我行我素，從來都不做任何安全措施，在不設防之下有任何意外，後果全由女方負責。
（三）為了成功邀約到女方歡聚，陳冠希在SMS 中，不惜花言巧語，任何肉麻及露骨說話都出齊，務求令對方送上門。
（四）陳冠希在房內喜歡玩即興，道具和招式都鍾意就地取材，而且相當有創意。
（五）陳冠希邀約女方上門歡聚，多為凌晨或者臨天光時份，但從來不會接送女方，完事後更即時要求對方離開，相當無情。
黃榕被揭送上門
上年中，本刊披露「高潮樂隊」女主音黃立意（前名：黃榕）夜訪陳冠希之餘，仲因被飛而患上情緒病。近日記者發現黃立意把她網誌上發表過有關陳冠希的文章，全部刪掉。
就今次事件，記者訪問過佢，不過佢就話：「冇嘢講，冇回應。」
黃立意在網誌內提過，話呢條位於半山嘅樓梯係通往佢sweetheart 屋企嘅通道。據悉呢條就係通往陳冠希位於半山舊居的捷徑。
黃婉君 淫相有真有假
04年與陳冠希被拍到在ifc 睇戲的2R 成員黃婉君（Rosanne ），在事件發生後第二日秘密離港返新加坡。在機場被記者追問淫照風波時，以白頸巾蒙頭慌死俾人認出嘅佢話：「啲相有真有假啦。（咁你有冇影過？）一定冇！我以自己及家人生命擔保，從未拍過呢啲相，不過，如果真係有人為錢而整呢啲相，真係冇得講，所以我好擔心。」
鄧麗欣 好噁心
「都係移花接木啫，好多人都試過。我無影過呢啲相，唔排除係電腦合成。雖然唔係我自己，但都覺得好噁心。」
Amanda.S 香港人保守
「其實今次亦唔係乜嘢大件事，但香港人比較保守。每個人都有自己嘅私生活，以私生活而言並冇問題。（有傳艷照會陸續有來，擔唔擔心自己有份？）呢種事從冇發生過。」
顏穎思 影過親密照
「佢係我入行前已經識得嘅朋友。（有冇影過親密相？）影過好多相都唔記得有定冇，好多朋友都會影，（親密程度去到邊？）成10年前嘅事，唔記得啦！至多都係臉貼臉。」
著草累拍檔
除了栢芝向陳冠希索償外，今次事件其實更連累到陳的生意拍檔。記者訪問過陳冠希旗下時裝及媒體品牌CLOT 的職員，對方指陳冠希今次臨急臨忙咁走，直接影響到公司的運作。
「平時公司啲單都係Edison 自己簽嘅，今次佢走得咁急，連公司啲嘢都未交代好。例如公司之前同其他公司傾落好多project ，要落訂，就係因為佢唔喺度，所以好麻煩。仲有就係同事啲雙糧，到依家佢都未簽。聽講另一名Partner 依家私人俾住錢先，其實佢已經俾咗成百萬，我諗頂唔到幾耐。」
今次事件，唔單止陳冠希形象大受影響，連佢自己任代言人嘅CLOT 亦有一定衝擊，睇嚟陳冠希今次好可能一鋪清袋。
上星期記者去過CLOT 的總部，發現重門深鎖，員工面上均現憂色。原來係因為擔心冇得出雙糧過年。
身為CLOT 旗下藝人的「農夫」，雖然在上年尾的樂壇頒獎禮中表現出色，但依家冇雙糧出，唔知佢哋會唔會呻笨呢？
大舉搜捕
2月2日晚
警方晚上掩至位於中環士丹利街的「eLiTe Multimedia Ltd.」，落半閘搜查。當晚警方就召開記者招待會，表示已經拘捕一名「接近源頭」的疑犯。
警方在現場帶走一部蘋果手提電腦返回警署調查。事後有網友說：「點解條友（疑犯）咁蠢，件事搞到咁大都要留啲相喺電腦入面俾人查到？」
2月4日
記者去過eLiTe ，發現竟然有開門營業，但就冇人敢入去幫襯。其實蘋果認可代理商Ultimate PC &Mac Gallery 就喺正eLiTe 隔籬，當日陳冠希如果唔係去間細舖修理電腦，而係嗱返去隔籬嘅大舖整，就未必會有今次事件發生啦。
足本淫片大陸有售
雖然警方指經已找到發放相片的源頭，並在中環「eLiTe Multimedia Ltd.」內拘捕一名23歲男子，但本刊卻收到消息，指相片已經流入大陸，並在地下渠道發售。
據一名在資訊科技界任職的資深人士指：「當日從陳冠希電腦中偷取淫片的電腦公司職員，並不一定是在網上發放相片的人。始終件事過咗年幾，啲相一傳十、十傳百咁，相信最少有過百人睇過呢啲相。依家啲相傳到去邊，真係有排查。」
記者得悉，自從淫照事件轟動中港台後，大陸已經有人在地下兜售聲稱是足本的照片及短片，開價$25,000。
2月3日晚，記者在大陸的網上討論區內，發現有人的確在網上出售該批淫片，並留下手提電話號碼。記者曾嘗試聯絡對方，對方用短訊表示：「請在QQ 上談，我的帳戶是：XXXXXX 。」
可是直至當晚黃昏，警方公布已拘捕8名疑犯，那名網上兜售淫片的人亦忽然失蹤，在QQ 內沒有上線之餘，電話亦關掉，相信是有人得悉事敗，所以不敢同記者接洽。
不過，記者卻發現有大陸成人網站，已出現今次事件中的淫照，看來今次事件仲有下文。
