《秀才愛上兵》趕住農曆新年檔期播，新年流流開電視見到Yumiko ，都相當應節。雖然要承接上集《秀才遇著兵》陳豪加周麗淇嘅好評相當唔易，不過睇
官恩娜套《律政II 》都得，Yumiko 應該入到屋嘅，連佢自己都話：「我對套劇好有信心，劇情搞笑好啱新年播。」
上週三（16日）兩位主角馬浚偉同Yumiko 戴晒拳套作狀打擂台做宣傳，Yumiko 一副花拳繡腿格局，仲成隻腳擺上馬仔膞頭度借力，不過估唔到馬仔交到戲，對住隻繡腿縮吓縮吓咁，果然有啲搞笑位喎！
馬仔最後都係齋睇冇買，佢話：「太貴喇！」咁又係，最平都要成千蚊一隻，估唔到馬係音樂發燒友，係喎，佢歌手出身㗎喎！
平時冇乜新聞嘅馬浚偉，FBI 早排見佢一個人響ifc 行街，入咗間專賣「頭版CD 」嘅CD 鋪SAM THE RECORD MAN 睇碟，佢份人咁厭悶，拍搞笑劇都真係幾反高潮。
面對唔知係繡腿定臭腿嘅物體，馬浚偉起初都表現得好抗拒，冇計啦，呢鋪擺明要硬食Yumiko 一嘢，馬仔，辛苦晒你喇！
