最近嗱獎嗱到手軟的張敬軒，氣勢直迫樂壇一哥陳奕迅。事業三級跳，私生活亦多姿多采，人前跟老死王 之雖然又搭膊又啜面，被公認為緋聞男女，其實背後跟同性好友關智斌（Kenny ）的關係，更加親密。
最近Kenny 搬新居，上週三密友張敬軒出席完《勁歌金曲》錄影，即夜摸Kenny 新居，至凌晨二時仍未玩夠。不過張敬軒事前做足「安全措施」，戴齊喬裝三寶cap 帽、眼鏡和口罩，非常警覺。
交往2年半，張敬軒人氣有升冇跌，同性密友Kenny 都夠旺佢啊！
鏡頭前跟王菀之公然打情罵俏，金童玉女形象深入民心，但據知張敬軒與小師妹傳緋聞期間，其實一直與關智斌友好，月頭出席商台「叱吒」嗱獎時，更宣言：「多謝曾經同我傳過緋聞嘅關智斌……多謝你唔介意同我傳緋聞。」兩句說話已凸顯Kenny 在軒仔心中的地位。
熟練上門
台上扮大方、但暗里兩人關係亦低調處理，上週三（9日），剛出席完無線《勁歌金曲》錄影的張敬軒，先丟低工作人員，之後單拖截的士踩上Kenny 剛搬往的天后維多利中心新居。
為掩人耳目，軒仔早有準備，一身便服戴住cap 帽及眼鏡現身，最誇張是當晚在《勁歌》表演時生生猛猛的他，竟戴上口罩，突然變病君。當晚只見軒仔熟練地攃密碼後，還跟管理員打招呼，可見他嚟慣嚟熟。
百忙抽空摸上門，Kenny 亦細心回敬。當日下午未有工開的他獨自到銅鑼灣agnesb.cafe 買定蛋糕款待貴客，還到附近買埋DVD 等，軒仔主外、Kenny 主內。
愈搬愈近
「Kenny 好早已經欣賞軒仔，係佢做主動識軒仔嘅，佢哋煲電話粥煲好耐，了解咗一排，先做到密友。」知情者說。
雖然想將關係保密，但為方便見面，早前軒仔亦由九龍塘廣播道寓所，搬往天后廟道新居與Kenny 同區，愈搬愈近。
據知兩人的圈內朋友亦曾聽聞他們關係，但沒人敢問，即使軒仔曾被所屬唱片公司環球問起緋聞，他亦統一口徑：「Kenny 搵我作曲啫，我哋只係friend 。」
的確，近兩年他們行得最密時，巧合地亦有他們合作的歌曲出現，像去年Kenny 的〈預言書〉就由軒仔作曲，夾定藉口備案，用「合作夥伴」做擋箭牌。
人肉5分鐘
張敬軒關智斌，私底下兩人愈搬愈近。軒仔原本以萬5元租住500多呎的九龍塘廣播道百美花園，而Kenny 則租住600多呎的大坑浣紗花園，月租約萬3。一個九龍一個香港，搭的士最快都要半個鐘先到。
為方便聯誼，軒仔去年中搬到月租2萬5的北角天后廟道1,200呎寓所（左圖），而Kenny 近日亦搬到月租萬5的天后維多利中心。近成咁，就算唔使搭的士，行路都係5分鐘即到！
「公司唔理」
週日（13日），軒仔出席港台頒獎禮，記者直問他踩上Kenny 新居過夜一事，軒仔即時嚇到呆咗，平時轉數甚快的他，竟亂到答「嗰個唔係我！」來迴避。
F ：《FACE 》 張：張敬軒
F ：Kenny 搬咗新屋，你有冇去過呀？
張：唔知喎！
F ：影到你星期三晚戴住口罩踩上去喎？
張：（愕然停頓數秒）冇喎，我諗你認錯人，我冇上過去喎！
F ：咁你嗰晚去咗邊呀？
張：總之我冇上過佢屋企。
F ：你哋成日傳，公司有冇叫你避忌啲呀？
張：呢啲新聞講咗好耐，都唔係真，普通朋友嘅社交，公司唔會理我。
F ：怕唔怕被人話你斷背先？
張：真係唔係，怕咩啫！
唔怕人講
翌日（14日），記者在Kenny 新居維多利中心大門外，追問他有關軒仔摸上門一事，最初笑住扮失憶，但然後又自爆軒仔是他新居熟客。
F ：《FACE 》 關：關智斌
F ：星期三影到軒仔上你屋企過夜喎！
關：吓？（驚慌O 嘴）係咩？唔知喎！
F ：佢唔係上去睇你隻秋田犬咩？
關：間唔時（間唔中），佢有佢上我嗰度睇，我有我上佢度睇，嗰晚（9日）真係唔記得。
F ：嗰晚仲過埋夜？
關：吓？過夜？點會呀？我老豆都響度喎！
F ：怕唔怕人誤會你哋「斷背」呀？
關：是但啦，點講都冇所謂。
一句「是但啦」，Kenny 無懼被傳斷背，使唔使同軒仔夾吓先？
爆Kenny 前同性密友
交同性朋友有前科，本刊收到消息指，Kenny 05年自費去新加坡進修音樂一個月期間，曾結識一名叫Barry 的新加坡籍空中少爺，有傳Kenny 會親手用英文寫動人詩句對方。記者就此事直問Kenny ，佢先說唔記得，後才補說唔識此人。「咁耐嘅嘢我唔記得啦……我都唔識人做空中少爺，我去學唱歌之嘛，我英文咁差，點識寫英文情詩喎！」
傳聞中是Kenny 前同性好友的Barry ，是新加坡人，今年29歲，03年加入friendsters 網頁做會員至今，結交113位朋友，唔算好多，當中有男有女，但就唔見Kenny 個名。
叱吒宣言
「叱吒」頒獎禮上，首次嗱男歌手獎的軒仔忍唔住要多謝Kenny ：「多謝同我傳過緋聞嘅關智斌，多謝你唔介意同我傳緋聞！」台下Kenny 冧到震，即刻做「Thank you 」手勢回敬軒仔。
《Heroes 》boxset
9/1
22:00
興奮掃碟
趁軒仔未到，Kenny 自己去碟鋪掃碟，仲買咗《Heroes 》boxset 返屋企慢慢睇！
互晒銀褲
06年尾，Kenny 同軒仔著埋同款銀色褲出席倒數活動，雖然好鬼襯，但人前就互彈對方扮冤家，原來背後係糖黐豆。
