抗拒與整容嬌娃同場周汶錡扭計惹非議

抗拒與整容嬌娃同場
周汶錡扭計惹非議以5萬元一姐價接job 的周汶錡，昨日在屯門為活動行騷，被指扮大牌，她拒絕穿宣傳商場的性感服飾、不讓男模特兒抬轎出場、拒與小朋友行騷，以及藉趕工作為由拒絕傳媒訪問等不合作表現，令大會甚為不滿。
名模周汶錡（Kathy ）昨日與廖碧兒、陳法拉、翻版關之琳Jocelyn 和整容三嬌Freeze 等現身屯門市廣場行騷，去年初因整容話題而與Kathy 展開罵戰的吳文忻，擔任司儀。

辭演不成多要求昨日行騷的Kathy ，惹來大會極度不滿，據一名知情人士透露，Kathy 是次活動收取模特兒一姐價獲得5萬元酬勞，但她只示範了三套Bread &Butter 便服，並只與甄子丹囡囡Jasmine 行騷，該知情人士說：「Kathy 一知道吳文忻有份做呢個活動，話要辭演，又要多80%酬勞，不過事前已經簽咗合約，惟有照做，不過就諸多要求。」
該知情人士續說：「原本大會安排Kathy 同石詠莉、廖碧兒、陳法拉著張學潤設計嘅性感低V 裙，主持商場宣傳活動，但Kathy 喺試衫時臨時拒絕，同埋要求加價，最後由Jocelyn 補上，件衫就由石詠莉著。另外，Kathy 又拒絕俾男模特兒用轎抬出場，又話唔同小朋友行騷，酬勞原本包括要接受傳媒訪問，最後佢又唔肯做。」

[/url]
整容三嬌之一的陳樂榣解開外衣露出粉紅色bra ，成功吸引在場人士的焦點。

[url=http://static.apple.nextmedia.com/images/apple-photos/apple/20080114/large/14ee5p8.jpg]
Freeze 成員石詠莉身穿被指設計給周汶錡的低V 裙，但她似乎穿得更稱身。

「件衫唔係我著」
[url=http://static.apple.nextmedia.com/images/apple-photos/apple/20080114/large/14ee5p9n.jpg][/url]
陳法拉坐在大會訂做的轎，由男模抬著出場，甚有氣勢。
昨日完騷拍攝大合照時，Kathy 刻意與吳文忻保持距離，並在後台留守15分鐘至吳文忻離開，她才肯做訪問。對於不肯接受訪問，Kathy 說：「我要走，因為趕住開工。」是否拒絕大會安排的性感服飾，她說：「冇可能，件衫唔係我著，一睇就知，我淨係嚟做fashion show 。」問是否不滿吳文忻，她說：「又講呢啲，唔講，我淨係嚟做騷。」至於吳文忻就透露不知與Kathy 同台，她說：「之前唔知，不過冇所謂，冤冤相報何時了。」
其後記者聯絡主辦是次活動的黃百鳴女兒黃漪鈞，問她周汶錡是否曾經一度辭演及加價，她說：「佢有透過經理人公司話唔想新年唔開心，我哋公關公司經過多番接觸，係OK 咗，中間仲畀咗好多專業嘅意見同修改rundown 。」
採訪：Jessica Ngan 、Esa Chu
攝影：Matthew Lam

周汶錡與甄子丹的囡囡Jasmine 行騷時，表現得十分專業地打成一片。