等阿Paul家強「冷靜啲」世榮設計春茗和頭酒

等阿Paul 家強「冷靜啲」
世榮設計春茗和頭酒Beyond雙子黃貫中（Paul ）與葉世榮因將在北京開騷，引致黃家強極度不滿，公開數阿Paul 四宗罪，而阿Paul 接受訪問也表示以後會當家強透明。對於兩位手足恩怨加深，世榮前晚表示待二人情緒冷靜下來才再作調解。
黃家強與黃貫中不和越演越烈，兩位當事人一直沒有道出反目原因，日前家強接受訪問，終道出真相，原來在05年Beyond 準備開演唱會時，打算作一首主題曲，三位成員準備一齊創作，但結果阿Paul 獨攬作曲作詞，引致家強不滿，雖然阿Paul 堅持用其作品做主題曲，但家強沒同意，結果兩人因此反面。
對於家強所言，阿Paul 日前接受訪問時，表示家強實在說了太多具殺傷力的話傷透他心，所以現在他只能當家強透明。

被「飛起」不悅
[/url]
聲稱視家強透明的阿Paul ，前晚在西九騷任壓軸表演。
前晚世榮在尖沙嘴為香港澳洲華人協會主辦周年晚會擔任表演嘉賓時說：「佢兩個係有多少衝突，但上次阿Paul 同朱茵去泰國旅行被傳媒踢爆，家強俾人話係二五仔，但由頭到尾，阿Paul 根本冇講過係家強。其實佢兩個主要係為音樂各有意見，至於我同阿Paul 喺北京搞音樂會，報道話飛起咗家強，啲字眼搞到佢好唔開心，但我知佢唔係真係咁嬲，其實自從99年Beyond 拆夥後，我哋各自發展，家強都試過同阿Paul 出外做騷，我都冇嘢㗎！」
問到會否充當和事老？世榮說：「等佢兩個情緒冷靜落嚟再講啦！每年我公司春茗都有請佢兩個嚟，上年佢兩個都有出席，今年我都會叫佢哋嚟，睇吓點啦！」問到家強要搞家駒逝世紀念音樂會，他會否參與？他說：「我已經準備好，只要佢開聲，我隨時可以幫手。」

同朱茵傾結婚
[url=http://static.apple.nextmedia.com/images/apple-photos/apple/20080114/large/14ec6p3n.jpg]
去年尾阿Paul （右二）與家強（左一）同場出席公開活動，但兩人站得很遠，沒多作交談。
此外，阿Paul 前晚以壓軸嘉賓身份出席西九龍中天地的「生力Wild Day Out GrandShow2008」，大會規定在晚上10時半完騷，結果壓軸表演的阿Paul ，原本唱三首歌，最終被刪減至兩首。他事後在慶功宴上說：「因為時間問題被cut 歌，唔可以太夜，香港區嘅人會投訴。」問他可打算在該場地開騷，他說：「咁大個場，怕自己一個能力不及。」
提到蔡少芬的婚禮，阿Paul 稱任聖詩和音，朱茵主唱，問他可有受氣氛感染而打算和女友拉埋天窗，他說：「呢樣嘢唔係一個衝動，大家喺埋一齊咁耐，如果7年係一個危險期，而家第8年都衝破咗，大家感情維繫好，結唔結婚都冇意思，兩個人相愛先最重要，大家有共識，我哋唔係拍拖一、兩年就會變咗死佬同死婆，冇晒浪漫，結婚有傾過，但唔會有時間表。」
採訪、攝影：魯萍、王連連、陳俊強

世榮眼見家強與阿Paul 不和，打算再做和事老。