首次擔正兼拍住無線新紮小生馬國明的官恩娜（Ella ），近日憑《律政新人王II 》成功入屋，一洗以往姣精負面新聞，一劇翻身。
一向愛情至上的官恩娜，即使曾被拍得衣衫不整從吳卓羲家中落樓真空樣，她依然故我，最近再被週刊踢爆同陸恭蕙胞弟，33歲公關界闊少陸恭和（William ）撻著，更火速搬埋同居。上週本刊就拍得她大模斯樣返男友會景閣1,200萬豪竇，好勝Ella 更對記者笑住點頭認返歸。
拍劇入屋，戀情又入屋，雙贏。
12月28日好勝揮手
上月28日晚，Ella 出席完《律政新人王Ⅱ》宣傳活動後，直踩到男友陸恭和灣仔會景閣寓所，喺大堂見到記者就笑晒口揮手，雖然陸恭和一直否認戀情，但Ella 咁高調，呢招高章喎！
雲南同車
其實Ella 同陸恭和（後）幾年前已認識，不過最初只屬common friend ，直至前年一齊為「希望工程」到雲南出席善慈活動時玩得更埋，2個月前才正式撻著。
1月6日純熟攃𨋢
事隔9日，Ella 出席完兩個宣傳活動，連紅磡都會軒屋企都唔返，直接趕去男友會景閣豪宅，只見Ella 在大堂自出自入，加上攃𨋢手勢純熟，嚟慣嚟熟喎！
28歲的官恩娜，04年與賣飛佛吳卓羲拍《酒店風雲》暗地撻著，多番成為城中熱話，06年尾更試過被影到真空落樓對鏡頭傻笑。之後有說兩人常為感情事「炒大鑊」，去年3月正式各行各路。
笑住返竇
感情真空半年多，2個月前Ella 與新賣飛佛陸恭和撻著，更發展至同居關係。雖然把口就否認與陸恭和的緋聞，不過擁有市值330萬紅磡都會軒自置物業的Ella ，近日收工後大多返回位於灣仔的會景閣，亦巧合地是陸恭和的寓所。
去年12月28日，Ella 約晚上8時收工後，便立即坐保母車返會景閣，期間有記者問她是否返屋企，她即露出好勝笑容，點晒頭兼笑住揮手，然後直入電梯大堂，管理員更細心地為她開門，後來更對記者說：「你哋唔好影啦！佢返屋企之嘛！」
姣電拍檔
最近話就話封胸，但週日出席《律政新人王II 》時，就著住*帶低胸裙上陣，雖然有件西裝褸半掩，但激凸上圍，一樣有睇頭，期間仲挨住拍檔馬國明放生電，姣精性格盡現。
08年1月褸住上門
週日（6日）晚著住乾濕褸嘅Ella ，就由男友公司車、價值約46萬嘅Alphard 7人車送到去會景閣停車場，睇嚟Ella 喺陸恭和心目中有一定啲地位。
雖然架Alphard 7人車登記人係Jeton Logistics Ltd.嘅董事黃翠珊，但原來黃翠珊另外亦同陸恭和開咗間活樂企業有限公司，兩人屬生意上拍檔，架車係佢哋兩份用，但估唔到會變成陸恭和溝女戰車啫。
再到週日（6日）Ella 完成工作後，再一次乘保母車返會景閣新竇，而她近日坐的7人車，據資料顯示，座駕更是由陸恭和的公司合作夥伴登記，有車管接送，Ella 照單全收，收工乖乖返歸。
主動出擊
據知向來「戰鬥格」的官恩娜今次亦不例外，雖然跟陸恭和早在數年前由其經理人介紹相識，06年更曾一起到雲南出席「希望工程」活動，不過當時並未過電。不過自與吳卓羲分手，她心急物色好男人，期間雖曾拍得與男伴出街，可惜統統「冇米粥」。
心急搵頭好人家，Ella 積極與女性友人夜蒲出擊，加上本身與陸恭和有共同朋友，近半年見面時間多，感情發展急升。
「Ella 不嬲主動㗎啦，有時我哋大班人去蘭桂坊飲嘢，Ella 黐到綠樹（陸恭和花名）實一實，又挨埋去佢度傾偈，男仔實受
！」知情者說。
Out 羲
04年拍《酒店風雲》時，已傳出撻著嘅Ella 同吳卓羲，人前就扮面左左，背住鏡頭就糖黐豆，不過偷戀兩年終於分手。
闊少百足爪
生意
陸恭和擁有多間公司，包括專做首飾零售嘅活樂集團及公關公司Propagate 等，加上活躍社交界，同Amanda S.及杜文澤等稔熟。
家底
陸父陸孝佩曾創辦公和建築有限公司，是滙豐總行的管理承建商，陸母（左）係聖安娜餅店創辦人，家姐陸恭蕙係政界名人。
緋聞
除咗官恩娜外，早於03年陸恭和亦曾同女星拍拖，對象係孫耀威前女友應采兒。
上門前科
06年11月
前年11月，著住風褸，內里真空嘅Ella ，被影到從吳卓羲清水灣半島寓所後門鬼祟離開，當時Ella 仲好低調。
06年3月
上門有前科，其實前年3月Ella 去完吳卓羲屋企過夜後，被雜誌影到男方揸住愛駒黑色Audi 送佢返都會軒寓所。落車後Ella 更一路行一路扯bra 。
「係成日見」
週日（6日），Ella 出席新城舉辦的滅罪活動，記者向她提到陸恭和，她就笑到甜晒。
F ：《FACE 》 官：官恩娜 陸：陸恭和
F ：同陸生點呀？
官：吓……冇呀！事業為重嘛！
F ：拍拖唔開心咩？
官：唔係呀！我同佢係好朋友，我同佢係成日見，因為其他朋友都識我哋。
F ：咁佢係咪追緊你？
官：我又唔覺喎！不過佢唔係娛樂圈人，我唔想影響到人哋呀！（甜笑）
到了週一（7日），記者致電陸恭和，他就死口唔認與Ella 同居。
F ：同Ella 發展得幾好嘛？
陸：我同Ella 真係識得太耐喇，唔會而家先拍拖啦！
F ：佢係咪你個type 呢？
陸：我諗唔係喇。
F ：最近一齊同居喎！
陸：真係冇。
F ：佢喺你住嘅大廈會景閣出入？
陸：我幢大廈咁多人，我識唔晒㗎喎！佢冇話我聽佢搬咗嚟，我撞過佢個妹，聽講佢屋企人好似搬咗嚟！
F ：但佢架車登記人係你工作partner 喎！
陸：我名下其實有好多部車，我真係管唔到咁多，有時朋友要借，我都會借㗎！
唔使請官恩娜做律師，陸恭和都自辯如流，不過如果連官恩娜全家都搬埋同一幢大廈，真係閉門一家親咯！
姣精從良史
00年姣出道
年前官恩娜的處女電影《I Do 戀情世代》，已拍住風之后李麗珊表弟賴登勤又攬又錫，仲做埋主動從後熊抱，踏出姣精第一步。
06年 遭狼吻
一向電力驚人嘅Ella ，做歌星時吸引唔少仔仔fans 愛戴，前年10月出席中秋活動時，忽被男狂迷狼吻，搞到Ella 喊晒口。
08年5萬蚊入屋
唱歌唔多掂，惟有重投公仔箱，最近就同馬國明喺《律政新人王Ⅱ》中飾演鬥氣律師冤家，據知每集僅收$2,500，20集只收5萬蚊，入到屋，幾廉價都抵番。
網友讚
自《律政新人王II 》播出之後，觀眾都對官恩娜另眼相看。
300萬Vs 5,266萬
官恩娜原居於市值約330萬的紅磡都會軒，該單位面積619呎，是Ella 在03年與從事商標織造生意的秦建良聯名擁有，有傳兩人曾秘密拍拖，後來Ella 解釋秦只是其父官有權的生意拍檔，更於06年以自己名義用300萬買回單位。
而官恩娜與陸恭和的愛巢會景閣，面積有1500多呎，陸父陸孝佩於92年用5266萬購下21樓其中10個單位，陸恭和現時所住的亦是屬陸父所有，市值約1200萬。
擁煞食長腿嘅Ella ，加上有甜美笑容。來自大溪地嘅佢，其實有不少男fans 。《蘋果日報》圖片
