[資訊分享] 十大股民金句

1^# 大中小 9598 (IP: x.254.186.x) 發表於 2007-12-28 22:59 發短消息只看該作者

相關主題: 股民金句

１．賣仔莫摸頭，摸親眼淚流．
解讀：沽咗貨，無論賺蝕，唔好耿耿於懷．

２．有食唔食，抵你乞食．
解讀：升到高位都唔食胡，跌番落嚟，抵死．

３．大股易招風，細股多人碰．
解讀：大價股多基金放風，細價股梗係散戶愛碰．

４．兩成當發生，五成當係真．
解讀：垃圾股講轉型，真亦假時假亦真．

５．無風吹大浪，梗有人上當。
解讀：莊家股失驚無神急升，並有人吹風有嘢搞，上當的，梗係無知散戶．

６．一隻鑊兩隻耳，搵人接貨拎一邊。
解讀：一字咁淺，幕後出貨一隻手掌點拍得響，又係大鱷食魚毛之時．

７．大數變小數，小數當無數．
解讀：買上不斷供股、合股的垃圾，股票的價值一定大縮水，如果賴死唔走，輸到渣到冇．

８．天生庸股亦有用，買中唔死一世窮．
解讀：大牛市水鬼升城隍，平平無奇的都會被炒到變大波．買中一隻，肯定唔使捱窮．

９．庸脂俗股，買咗痛苦．
解讀：買中自以為有潛質、但成世都開車的死火股，佢唔郁當然唔辛苦，買咗的就好痛苦．

１０．天生一副垃圾相，玩死股東手尾長．
解讀：有啲股票一睇上去就知唔得，不是本身冇質素，就係管理層衰格，咁到畀你買中，手尾好長．