塞翁失馬，焉知非福。
好似早排因為高調同李泳豪拍拖，俾公司遠放湖南嘅楊思琦，參加完當地電視台同無線聯辦嘅《舞動奇蹟》淘汰賽後，雖然最終嗱唔到冠軍，但因為拍檔張杰夠紅，加上思琦表現好，帶挈佢響內地知名度三級跳之外，上星期四（十二月二十日），響九展Star Hall 有個雲集各地一級拉丁舞高手嘅表現活動，楊思琦亦獲邀請，同嚟自德國嘅舞王Jurgen NEUDECK 合作演出。
有高手lead 住，楊思琦任攬任摸任fing ，完全睇唔出佢事前只係上咗四次堂咁大把。
同個三唔識七嘅男人身體零距離接觸，真係薄皮啲都頂唔住，楊思琦就一度招架唔住呢位德國舞王嘅後進式偷襲。不過，話晒出道六年，見過唔少世面，思琦一於以笑容遮掩尷尬，扮冇事。
響後台同另一高手擺pose 合照，思琦被對方壓到34C 心口變形。
德國舞王（下圖）見自己拍檔俾人霸住，竟然失驚無神一手由思琦右胸側插入搶人，胸前忽然多咗隻男人手，思琦又尷尬又失措，唯有以笑掩飾。
是夜嚟睇show 嘅有唔少社交舞迷，包括白姐姐、林小明太太，仲有企到遠遠講電話嘅謝偉俊（箭嘴）。
