蔡少芬同好姊妹傳斷背，又同教友王祖藍傳緋聞，原來統統都係流料，週一（10日）蔡少芬終於親筆公告同內地小生張晉結婚喜訊，雖然婚期封口唔講，不過Ada 在信中每粒字都狂讚未來老公：「他英俊有型，他是極品……名叫張晉。」仲叮囑傳媒：「唔好派咁多狗仔隊跟我們啦！俾啲自由空間……當係結婚禮物！」未做張師奶已經錫住晒，恭喜晒呀張生張太！
昔日戀人︰99年與吳奇隆拍攝電影《殺手仁心》戲假情真，期間吳奇隆亦幫蔡少芬母親還債，可惜戀情只維持3年便分手告吹。
Ada 同張晉拉埋天窗，問到佢係咪趕住鼠年派利是，Ada 就貪玩扮聽唔到話：「吓！吓！多謝晒！」
日久生情︰33歲張晉98年曾到香港加入袁家班做武師，又在張藝謀執導嘅《英雄》做甄子丹替身同李連杰對打，03年與蔡少芬合演大陸劇《水月洞天》撻著，對於未來老公細自己1年，Ada 即話：「睬！細我1個月咋！」
富豪恩人︰91年當選港姐季軍，18歲蔡少芬在麗晶酒店舉行百萬生日會，當時傳出幕後搞手係劉鑾雄，更有傳大劉出手幫蔡母還超過1億債。
FACE周刊第29期
