FBI 又窮又市井，最鍾意幫襯街邊檔小販買宵夜，又平又好食嘛。上星期一晚撞完側田，深夜十二點幾，又響西灣河太安樓食完碗仔翅
完兩串魚蛋之後，竟然見到貴為CEO 嘅Edison 呀！
難得讀過番書又家底豐厚嘅陳冠希，竟然對太安樓其中一檔出名賣喳咋嘅糖水檔情有獨鍾，FBI 就諗住睇吓佢有冇碎銀買呢碗十蚊八蚊嘅糖水啦，點知停咗車之後，佢就扭扭擰擰，要老死DJ Tommy 買外賣魚蛋同喳咋。
又係喎，靚仔有錢如Edison ，現身平民區仲落車掃街？容乜易引嚟數以百計嘅粉絲，搞到水洩不通，到時暴動都有之呀！
西灣河太安樓小食檔響區內馳名，估唔到CEO 都幾識食，仲要最愛老字號嘅糖水檔，係由一位開檔多年嘅婆婆親手製㗎！《蘋果日報》圖片
嘩，G-class 靚車，FBI 離遠已經認得係陳公子喇，不過Edison 就冇落車，唔緊要啦，無謂搞到市區大塞車啦。
Edison 有好嘢梗預埋老死Kevin 潘（右），仲有DJ Tommy （左）呀，連買宵夜都咁team work ，真係商界奇才呀！
