周星馳新片《長江7號》鐵定農曆新年上畫，處女登場飾演教師兼外星人的星爺新女張雨綺，風頭俾反串女童星徐嬌搶晒，上月尾《長》片在北京舉行的發布會，張雨綺更慘變人肉布景板。
雖然唔夠
妹爭，但張雨綺話晒都被星爺培訓兩年，唔多唔少都感染到「巨星」風範。上週二她來港一日，替她任代言人的Walker Shop 宣傳。
拍照期間，張雨綺便不斷催促記者：「這個甫士不成……為什麼拍那麼多？」提到《長江7號》戲分被搶，她更大叫：「我不是茄喱啡，戲分剛剛好！」口
甚有星爺風範，學到嘢喎！
上週二（27日）張雨綺由上海來港，出席她任代言人的Walker Shop 簽約儀式，做兩年代言人，就自稱自己穩袋千萬酬勞，價口已經嚇人。
企硬
影大合照時，個個笑到四萬咁口，代言人張雨綺就顧住靚樣唔敢大笑，身旁Walker Shop 執行董事朱先生（右）亦話：「佢好有明星態度！」
港姐代賣性感
雖然張雨綺先係主角，但大會仍然請了港姐陸詩韻和曹敏莉示範新鞋，兩人雖係配菜，但都好訓身，反而主角張雨綺就企定定好錫身。
擘腿
雖然係示範嘉賓，但穿上迷你裙的陸詩韻就非常落力。「大會請我，我當然會落力啦，走光？我打咗底做足預防措施。」
唧胸
著上低胸裙的曹敏莉亦唔介意「
」低身：「我都驚走光，不過做鞋騷，短裙就係指定動作啦！」
巨星風範
當日她以主角身份現身，唔使好似同場示範嘅TVB 小花曹敏莉同陸詩韻咁
身擘腿搏晒命。純粹舉杯拍個照的張雨綺說：「酬金最高是這一次，我會買樓，跟家人同住。」
星爺出名要求高，來自山東的張雨綺話晒都被星爺訓練2年，唔多唔少都被星爺潛移默化，當日儀式完畢，她接受本刊記者訪問，期間她不斷要求翻看攝影師所拍的照片：「要刪除，這個不成，我的臉可以再拍光一些……」唔夠15分鐘，她又不耐煩話：「一件衫同一個景，都拍那麼多，你都是第一個！」到攝影師舉機，張雨綺即刻由嬲變笑，囉嗦唔見晒，演技拍得住星爺。
影相巨星款
眼大大長頭髮的張雨綺，個樣離奇地愈來愈似足初出道的張栢芝，連佢嗰句：「我唔係茄喱啡」都好有《喜劇之王》張栢芝的對白：「你個死茄喱啡」嘅影子。
扯火
拍攝期間，來自山東的張雨綺直腸直肚，埋怨只拍了3分鐘的攝影師影得太多，要攝影師出冧招：「你靚，所以先要影多啲。」佢先肯坐定定繼續影。
𥄫實
訪問當日，張雨綺不斷向攝影師要求翻看相片，意見多多說：「我張臉可以再拍光些。」
星爺不及徐嬌
《長》片自去年開拍以來，星爺一直話張雨綺是女主角，直至臨上畫，女主角卻變了年僅9歲童星徐嬌。張雨綺大膽話《長》片只係細路片：「套戲是兒童片，連星爺都不及她（徐嬌）多戲。但我不是茄喱啡，我有好大發揮性！（會唔會因徐嬌戲分多過你而呷醋？）我覺得好好笑……你會問這個問題，她是小朋友！」
張雨綺愈講愈火，她的經理人即幫口解話：「報道都唔正確！」
有性格，全因星爺一直在背後發功。據了解星爺已欽點張雨綺，於他任監製的荷里活版《龍珠》中演悟空女友芝芝一角，她興奮地說：「星爺向佢哋推薦我，我覺得自己很適合，不過好多嘢都仲傾緊，我而家已經努力練習英文。」
二十歲就進軍荷里活，快過「國際巨星」章子怡，唔怪得要提早操練巨星態度啦！
北京發布會中，傳媒焦點全放在童星徐嬌身上，問到佢點睇張雨綺，佢反而識做咁話：「我唔係星女郎，姐姐好靚女先做得。」學嘢啦姐姐。
星爺難服侍
邪神：畀番條路大家行
張雨綺學足佢老細周星馳一樣咁有style ，其實星爺出名要求高，唔係個個頂得順星爺嗰套，之前有力捧嘅黃聖依解約擘面，李力持又響《蘋果》專欄話李健仁（如花）被星爺用屎水淋頭、田雞當眾被鬧。本刊記者近日同響《功夫》飾演火雲邪神嘅梁小龍對話，佢亦自爆幾個月前已跟星爺解約。冇番咁上下EQ ，都唔使旨意埋到星爺身。
在04年星爺找來久休復出的前麗的藝人梁小龍，於《功夫》中飾演身懷絕世武功的火雲邪神人氣急升，可惜簽約後，星爺並沒安排新工作給他。
等住開飯
梁小龍自3年前簽約給星爺的星輝公司後，只拍過星爺旗下的《功夫》，其後梁接拍的《蠍子》和《軍雞》都是自己親自接洽。他說為生計，不得不解約。
「當初我簽星爺係希望可以打開日本同歐洲市場，所以一簽就3年！我有2個仔同老婆，我都要生活㗎！（反問記者）總之點解佢身邊嘅人一個一個咁走，你自己諗吓都知咩原因啦！唔講咁多，畀番條路大家行。」
拍片鬧翻
導演李力持與星爺合作過《食神》、《喜劇之王》，直至拍攝《少林足球》時，有傳星爺在片場當眾罵李力持，李一怒之下結束合作關係，而最近他在報章專欄中亦爆星爺當眾大罵田雞（田啟文）及以用屎水玩如花（李健仁），「冇人能頂得周星馳脾氣。」
提起星爺的新片，李力持不屑話：「冇嘢好講，張雨綺？我更加唔識佢。」
男友出面
'04成為《功夫》女主角，05年自稱周星馳的星輝公司以威迫手段迫她接廣告，代言及接拍《功夫狀元》，更哭訴表示要跟公司解除8年合約，雙方對簿公堂，直至今年2月才庭外和解。有傳緋聞男友楊子以600萬替黃聖依解約，官司才結束。
屎水淋頭
95年於銀川拍攝《西遊記》時，李健仁因為自己入住的酒店房間抽水馬桶壞了，於是走去星爺房內的廁所方便。他方便完後，卻沒清理乾淨。被星爺發現後，他命工作人員把李健仁的糞便塞入花灑頭內，當李回房間沖涼，被自己的糞便照頭淋。
