有「鬼王」導演之稱的彭氏兄弟一向邪門，繼細佬彭發開拍鬼片《塚愛》時，主角Stephy 失控崩潰後，最近大佬彭順拍攝《愛鬥大》，估唔到青春片竟一樣出現靈異事件。
話說《愛》片主角之一的電車界女神李曼筠（動漫Maggie ）月頭到長沙灣街市拍戲時，竟懷疑誤攝大頭怪嬰靈異照，事後Maggie 連夜發噩夢甚至無故作嘔，要驚動收鬼大師司徒法正就地作法，認真邪門。彭導演咁旺呢味嘢，下次可以開《大迷信2008》，性感Maggie 現身講解，包保夠話題。
由Maggie 提供的黑白靈嬰照片（右圖），隱約見到雪櫃鎖下，一個光頭BB 嘅左眼、鼻及一張嘴。而本刊上週五（16日）於同一位置亦發現靈嬰樣仍清晰可見。
《愛鬥大》鬥過籠
《愛鬥大》雖是青春片，但上月尾在墳場拍攝女主角江若琳同Janice Man 一場鬥大膽戲分時，一樣有邪嘢發生，當晚原本一滴風都冇，但到凌晨拜神時分，一名員工稟神話：「各位大佬麻煩借個地方用吓」，突然刮起陰風，當時細膽嘅Janice 同江若琳就驚到成晚唔敢去廁所。
墳場拜神刮陰風，嚇到當晚要扮女鬼響墓前派餅嘅Janice Man （圖右）唔識出聲，而身為基督徒嘅江若琳（圖左）一樣驚到拍心口話怕怕。事後Janice Man 仲話：「我有時發夢都見到墳墓啲伯伯樣呀！」
萬人點閱
月頭彭順將「靈嬰」片段放上YouTube ，至今有1萬8千人次睇過，唔少人都話睇得到有個BB 頭，咁多人討論，《愛鬥大》收晒宣傳效用。
面青狂嘔
燒完香諗住冇事，點知Maggie 開始心口作悶，其後仲作嘔，好似撞邪咁，但司徒法正話未必關靈體事，可能係佢心理作祟啫。
自熄香燭
雖依足捉鬼大師司徒法正指示誠心裝香，但由助手燃點香燭時卻點極都點唔著，此時Maggie 已疑神疑鬼，驚到
埋口面。
即場燒鏹
經過大師唸經後，唔止香燭，甚至冥鏹都燒到火光紅紅，此時Maggie 先安心，然後再誠心拜祭。
近日YouTube 流傳由彭順拍攝，電影《愛鬥大》拍攝現場撞鬼片段，月頭上載至今，已吸引接近2萬人瀏覽。
燒衣定驚
話說11月初，電車男最愛的Maggie 跟隨鬼片大導彭順及工作人員到長沙灣保安道街市地窖拍外景，當晚Maggie 揸住部傻瓜機四圍影相消磨時間，其中行到街市最末端一間乳豬批發檔時，她貪得意拍下檔外情況，事後Maggie 翻睇照片時，赫見乳豬檔雪櫃門下方出現一個靈嬰面貌，細膽Maggie 即時奪命狂呼，導演彭順更即時要求在場人士燒衣拜祭。本以為拜完神一了百了，但怪事件繼續纏住Maggie 唔放。
詭異執床
Maggie 表示：「嗰晚我返咗屋企之後，一撻落床即發噩夢，個BB 樣就重複咁響我夢里面出現，我扎醒後心口即作悶又作嘔，最邪係我一向冇摺被嘅習慣，但之後我每次返屋企都發現張床好整齊，我阿媽又話冇幫我執過，我懷疑啲污糟嘢跟埋我返屋企囉，直頭驚到喊。」
怪事接連發生，上週五（16日）Maggie 帶埋捉鬼玄學家司徒法正到事發現場作法，據他解釋：「呢個街市係地窖、冇陽光透入好重陰氣，加上雪櫃係放屍體嘅地方，更加陰上加陰，靈體聚集響陰氣重嘅地方，所以BB 仔靈體留咗個影響嗰度一啲都唔奇。」
哦，原來陰氣重，咁Maggie 應該召集成班血氣方剛嘅電車男落去，包保成個場旺晒。
清晰B 樣
FACE周刊第26期
