李曼筠（動漫Maggie）、杜汶澤和林司敏（Ciwi）昨日到旺角出席賀歲片《最強囍事》的宣傳，電影公司花費6位數字租用一部經過改裝的貨車作宣傳之用，杜汶澤即場被兩女在車上畫大花面。
不懼寒風着低胸裝現身的動漫Maggie說：「喺戲度我做古天樂個秘書，拍嗰陣唔想累大家遲收工，所以忍笑忍得好辛苦。」
杜汶澤則說：「我拍咁多部戲都冇化過妝，因為已經無藥可救，但呢部戲我要化女人妝，化完真係覺得女仔嘅化妝技巧好重要，我咁嘅樣都可以變做肥版Janice Man。」問到對票房可有壓力時，他說：「我對呢方面就唔太有研究，不過賀歲檔應該輪到廣東話喜劇啦，講廣東話先識笑。」
from:
http://hk.apple.nextmedia ... art_id=14876148
