回復6# Leon 的帖子
如果你係輪商,有人用一亳子賣張廢紙比你,你會唔會接呢?
最近應該好多上年開落既恆子call 輪到期了,張張都28000左右.唔好話0.01,就算0.0001都唔會有人肯接喇.買隻輪同買張廢張有乜分別?
有興趣既,13021,9064,9060,....如要你肯出價,多多都有得你買.唔好講到28000咁遠,家陣24000既末日輪,都係0.01左右,你夠唔夠膽搏?
好多人以為牛熊就會突然死左無哂d 錢,而輪就可以死守,就算番唔到家鄉都仲可以有d 渣拿.
其實,如果買錯方向,其實買牛熊同窩輪一樣可以無哂d 錢.
牛熊比較速戰速決,死左就一了百了,第日就知有無錢剩.
窩輪有抵抗大波動既能力,但係如果買錯方向,諗住死守,只會變成慢性自殺.....結果係渣都無得剩.
末日危輪同危牛/熊一樣,可以好易出現大比例既升幅.一隻0.01既輪,一格就升10%.有時,一個傳言已經可以升100%了.
但係,玩輪唔可以死記一個no.,有d 人在#### 執過一次,諗住隻輪好執,唔考慮時間.比如話,10月到期既價外輪,正股可能升10%佢都升100%.但係到左8-9月,如果價外都好遠,正股再升10%,都可能唔會再升的.所以,輪好容易變成一個陷阱,特別係聽人介紹.唔同時間,同一隻輪,表現都可以差好遠.
[ 本帖最後由 Super169 於 2008-8-22 23:29 編輯 ]
