[其他] 窩輪輸死人之謎

係各大財經討論區，人人都話買輪會輸死人，偏偏香港窩輪成交之大，是世界第一，咁又係點解呢？
香港人有賭性，固然係窩輪受歡迎的原因，但純粹用賭性來解釋，又好似唔係幾恰當．

好像恒生指數的窩輪咁，代替品就有期指同埋恒指期權，以產品特性黎講，其實輪係最唔著數．

好像期指咁，一點五十元，童叟無欺．雖然期指有時高水，有時低水，但大致來說，期指走勢同佢既underlying---即係恒生指數係貼近的．唔似得窩輪咁，除初驚睇錯市之外，還

驚隻輪失驚無神縮引伸．縮引伸即係話隻輪的引伸波幅下降，後果係就算正股唔郁，隻輪都會跌價，又或者隻輪唔跟正股走．

至於恒指期權，其實和窩輪是表兄弟，大家都是Option類的衍生工具．（天下間的衍生工具花樣繁多，但歸根到底，就係分兩大類，其一是Option，持有Option的投資者有權去行

使；其二是future，持有future的投資者有責任去行使．）不過，窩輪是套餐，發行商定好晒條款，就用統一格式賣俾客．期權是自助餐，條款自訂，有人接就可以．窩輪只有買

call買put的選擇，期權可以玩多兩瓣，即買call買put之餘，還可以賣call賣put．期權的靈活性比窩輪為高，但偏偏就係窩輪多人買．

我猜想到的原因，是買期指或恒指期權都要開期貨戶口，但各大證券行都不大積極推廣，因為運作成本高，不大好賺．做期貨要睇實客戶個倉，必要時又要斬倉，又要追孖展等等

，要多聘人手才能應付．而且，愈來愈多人用銀行理財戶口買股票，但銀行大都沒有提供期貨服務，只可以買輪，因為輪都是在股票的交易系統中運作．相反，認股證有發行商舖

天蓋地咁宣傳，再加上買賣容易，有個number和股票一樣，買落比較就手一點.

很多散戶不敢買賣期指，寧願買恒指輪，因為佢地認為期指有無限風險，輸既錢可能多過買落去既錢，而買輪是有限風險，買幾多，最多就輸晒．

如果恒指裂口高開千幾點，無限風險的說法才會成立，但在正常的情況下，買賣期指要俾按金，要補孖展或斬倉，不致於出現無限風險的情況．

衍生工具都是高風險的，但從實戰上，買指數輪，風險恐怕比買期指更高．

有些人說，買輪高風險，是因為要同發行商對賭，輪商會夾高夾低個市來賺錢．這種說法並不確實，輪商並不會與散戶對賭，這並不是說輪商道德高尚，而是因為輪商並不需要這

樣做．輪商是做了對沖，然後以較高價錢出輪，穩賺當中的差價．有些人常說的對賭，可以說是睇少左輪商，對賭包含著輪商有可能會輸的意思，但實際上輪商無需負上這些不必

要的風險．舉例說，輪商以十二點的引伸波幅，買入一個某underlying的場外認購期權，然後以十五點子的引伸波輪出一個call輪，咁就穩賺了三個點子的引伸波幅．輪商是不會

對賭的，因為賭未必贏；如果逢賭必贏，輪商自己落場炒都得，仲駛乜出輪？

以散戶黎講，點解要買貴三個點子的引伸波幅？理論上這是輪商提供liquidity的代價．輪商做莊，有責任開價，掛出買盤，等散戶可以出貨，維持一個有效率的市場．輪商並不是

做義工，佢地的工作是提供liquidity，酬勞是賺引伸波幅的差價．

買輪輸死人，關鍵正正在於liquidity的問題．期指每日幾萬張成交，是在同一個市場成交，個市場好熱鬧，liquidity充足．窩輪每天數十億元成交，是分散在無數的輪上面，有

些輪成交不大，沒有太多散戶參與，全靠輪商開價．在實戰經驗上，輪商往往開好低價，比現價低九條街，吹佢唔漲．這並不是對賭唔對賭的問題，而是焗賭：散戶被迫低價出貨

．

在一個有liquidity的市場，散戶出貨，接貨的可能是另一個散戶；在某些沒有liquidity的窩輪市場，唯一的接貨對象是輪商，想輪商開靚價收番隻輪，老實講，並不容易．我看

過一本發行商寫的書，佢話散戶買輪不應該睇成交，應該睇引伸波幅，以實戰的情況來說，我就不同意這種說法．

仲有，睇成交買輪亦未必穩陣，有些成交是左手交右手做出來的，這是公開的秘密，成交旺盛的情況，可以在三幾天之內散失．

買賣衍生工具，除了要留意underlying走勢的風險，預期波幅收窄的風險之外，還要留意liquidity的風險．這和買賣正股很不同，買隻冷門的正股，就算交投不多，還可以慢慢掛

沽盤，等到有人接為止．除非間公司就黎執笠，否則沽遲一兩日，又有乜所謂？買衍生工具就不同，時間是最大的敵人，要快進快出，liquidity不夠的市場，就會輸死了．

也有人說，買輪輸死是因為輪商可以增發，這方面反而無大關係．輪商出一隻輪只需四天，就算唔俾佢增發，佢可以出隻新輪，甚至有更好的數據，一樣無佢符．增發一隻舊輪，

基於供求關係，確實會推低輪價，但低極有個譜，底線就係輪商的對沖成本．用番上述例子，如果輪商的對沖成本是十二點的引伸波幅，佢就不會讓輪價跌低於十二點，否則佢地

就會做蝕本生意．

以衍生工具來說，期指是最活躍的市場，基本上是較為玩得過，但當然風險一樣好大，所以我寧願買正股算數；至於買輪的話，基本上與虎謀皮，但真係要買的話，就要買一些成

交較活躍，引伸波幅較平穩的輪．

絕對涊同！！不公平之遊戲規則！君子求財選正道！

今天又狂殺恆牛、貶輪值！哈！哈哈！但笨蛋不是我！

笨蛋不是你.是我!!!!!!!!!!!!!哈哈！

個人覺得,所謂"買輪會輸死人",都係借口居多,最多只可以話賺唔足,又點會一定輸死,否則仲邊有人玩.

輪商可以壓價,係已知既事實,但係總不可能壓得太離譜. 正股大升,佢點都要升番d 比你的.
否則,除非佢夠膽唔睇正股只係跌唔升,否則,壓得太低變成平價輪,人地同佢入貨咪變左賤賣?
隻輪到期唔一定變廢紙既,如果行使價有利,就會變番錢. 佢個價點壓,都唔可能低於內在值.
輪唔係只有輪商向你買,輪商都要賣比人既,造低左買入價,同樣等於造低左賣出價,佢地都要考慮唔可能太低的.

所以,如果你買中方向,正股有一定升幅,輪商點都要做番高個價比你.

當然,如果無乜上落,時間值會另隻輪自動降價.....一旦到期,如果行使價不利,隻輪就變廢紙了.

如果正股向反方向走,走出價外,而又接近到期日,或者點睇都無可能去到行使價.輪商唔提高個價都好合理,因為張輪就快要變廢紙. 我唔覺得呢d 係壓價. 比如買左隻就快到期既輪,諗住正股升隻輪實升. 但係如果正股升幅唔能夠令人覺得可以番上行使價,正股升而隻輪唔升都好平常. 簡單既例子,如果家陣有隻10月到期HSI 28000既CALL 輪,應該得番0.01既最低價了,就算HSI 突然升1000點上21500,你覺得隻輪唔升合唔合理呢? 如果有人用0.01個舊價賣比你,你又會唔會接貨?

買輪輸死人既,通常都係買錯方向輸既多,又或者買錯隻末日輪,正股點升,都唔會有希望在到期前回到行使價,無人會接貨.

否則,正常情況下,只要買中方向,都應該有得執既,問題只係隻輪貼唔貼價,可能會執得比預期少.

輪唔怕來回反彈,牛熊就可以比人夾死,各有各好. 不過,我都係鐘意牛熊證既線性比例,雖然都有唔貼價既情況,但係個關係比較直接.

最衰銀行無得玩期指,否則期指應該係最直接,一點就係一點,唔駛等人出價去接.

"...又或者買錯隻末日輪,正股點升,都唔會有希望在到期前回到行使價,無人會接貨..."

super 兄,我想請教,如果隻正股真係回唔到行價而又到期,而你又用返最低價放0.01,咁個輪商會唔會接貨?

我數学太好了,所以無條件買窩輪！！

想做傻佬都無資格！