媽咪姐手記:彭丹撥開頭髮見乳溝依家啲女星分兩類，第一類通常係上咗位，所以最怕走光，出席活動永遠左遮右黐，務求力保不失。另一類就處於搏殺期，慌死走光冇人睇到。
日前《味分高下》錄影最後一集，嘉賓亦增加到8位，場面熱鬧之餘，想搶鏡亦變相更有難度。
其間玩「啜麵條」環節，第一類女星蔡少芬同周麗淇等，即使件衫領口唔算低，都一於照用手攃實心口。不過到咗彭丹出場，佢嗰件低胸衫都已經低到無可再低，加埋佢嘅魔鬼身材，真係離遠都已經好突出啦。不過佢啜麵條時兩隻手竟然唔係用嚟掩胸，而係雙手撥開啲長頭髮，驚死大家睇唔到佢嘅身材咁。好明顯，佢係屬於第二類，仲係好老資格嗰隻。
我遮！（設計對白）
我揞！（設計對白）
大家睇得清唔清楚呀！（設計對白）
周麗淇、蔡少芬都慌死走光揞到實，彭丹就反其道而行，驚大家睇唔到佢嘅驕人胸脯，撥開頭髮俾大家睇真啲。忽然一周第638期
[
本帖最後由cheshire 於2007-10-2300:47編輯]
