股路縱橫：北水自由行儀征會搶升
港股大時代，就有大製作，指一日大升1200多點，以點數計，創8年半最大升幅，期指更大升1400多點。
指連跌3日，跌1600多點，一日就升番1200多點，重上21600水平，過往3日，每日成交都超過1000億元，大市兜底後急升，好明顯已轉向，但在19500以上水平，有需要整固一段較長時間，可能為期約一個月，到第4季，全球股市可再起新升浪，指方面，不但可創新高，更可能會去到30000點大關。點解睇得咁好？兩個字，就係「水浸」。
港股噚日昇得咁勁，主要係好快會有新北水淹至。內地宣佈放寬個人QDII 投資港股，由中國銀行（3988）統籌辦理，以天津同北京做試點，表面上只係地區性，但其實全國中行都可代辦開戶，然後集試點銀行辦理。
QDII 已有效「排洪」，將「大錢」投入港股，北水自由行雖然係「小錢」，但集腋成裘，積少成多，累集的「曬士」可能比「大錢」仲勁，而且仲係長期性，對港股有更大刺激。噚日中資股全面抽升，中行就收報3.77元，升近11%，國壽（2628）重上30元大關，收30.20元，升9.4%，建行（939）更大升12%。
H 股較A 股折讓7成
儀征化纖（1033）幾乎每隔幾日就發一次公佈，表明公司非流通股股東正研究股改，消息發佈得咁密，聽講好事已近，噚日儀征亦搶上去，高收3.32元，升10%。
儀征上週由2.60元急升上3.38元，受制於50日線阻力而出現調整，噚日昇勢再起，剛好升到50日線（3.33元）水平，今日若破位而上，大升浪即可確認，以量度升幅計，短線目標係4元，中線可重上今季5月中的5元水平。
儀征A 股噚日收12.19元，H 股股價大幅折讓72.7%，股改一有聲氣，H 股可大升幾成，北水自由行，大折讓H 股會係首選對象。
宏安集團（1222）大急彈，高收0.295元，升7.8仙，升幅35.9%，今日可見3字頭，短線仍以0.40元為目標。
康健國際（8138）亦高收0.174元，升4仙，升幅29.8%，反彈目標由0.18元提升到0.195元，繼續持有。
