五月台灣女星安以軒同澳門百億富商陳榮煉在夏威夷舉行婚禮，松岡李那跟人夫洗米華在婚宴大跳辣身舞，即傳緋聞，事後被指做小四的松岡，澄清只視對方為大哥，絕對不會破壞別人家庭。
本刊發現，松岡老豆竟然同洗米華生得一副「父子相」，有洗米華這位大哥，松岡事業亦開始旺場，成立中介公司幫日本富豪在港做買賣投資外，她更安排同洗米華餅印的紋身師老豆來港發展。
朋友話似樣
松岡李那來港發展十年，先後跟Lam仔林德信、星爺傳過緋聞，最近有指跟洗米華過從甚密，松岡即澄清不會搶人老公，事關在單親家庭長大的她，也是因為老豆有第三者才導致家庭破碎。
出道以來星運一般，不過今年行正桃花運的松岡，事業亦有突破發展。她孭飛演出的電視劇《櫻桃小丸子》在大台播映外，更做埋經理人，帶挈似足大哥洗米華型、英、帥的老豆來港發展。
冇剃鬚嘅洗米華跟清光老豆最似樣，同樣有霸氣。
松岡日前出席記者會澄清跟洗米華係兄妹關係，坦言二人會繼續食飯見面。
「兩父子」都鍾意騷肌，唔係紋身師的洗米華身上反而有紋身。
老豆係紋身師
老豆松岡清光（Matsuoka Kiyomitsu）是紋身師，愛打扮的他約五十出頭，不過外表完全不似實際年紀。兩父女外出，很多時被誤會是情侶：「爸爸好型，好多時啲人以為佢係我男友，不過爸爸啲女朋友都係靚女。」有指見過松岡老豆的朋友，都覺得他跟洗米華撞樣，問她是否有同感：「你咁問，睇番又覺得有少少似，哈哈哈……，不過我覺得爸爸係最有型同靚仔。」
原來，早有人𥄫中這位潮爸，邀請父女檔出騷，肥水不流別人田，松岡本來亦計劃在父親節安排老豆來港搞紋身pop up store，跟香港藝人作交流，不過時間倉促，加上剛巧發生同人夫洗米華的緋聞，松岡惟有暫時剎停，不過近日又再開始籌備搵錢大計，「我都希望之後可以同爸爸一齊出騷。」松岡承認。
松岡po在日本的食飯生活照，同老豆坐埋一齊好有情侶feel。
經理人王友良（右一）安排松岡做真人版小丸子，大騷佢稚氣一面。
老豆自小反對松岡紋身，怕她日後後悔，所以松岡全身皮膚白滑。
二人早於多年前在活動上相識，洗米華大方攬住松岡腰影合照。
阿女著牛仔褲，老豆清光就一身型仔「皮氣」，喺日本行街，又真係好似拍拖情侶。
撰文、攝影、攝錄：娛樂組
帶挈紋身師老豆來港搵食松岡阿爸似足洗米華
