陳浩民大陸妻蔣麗莎(Lisa)一向不平則鳴，好似日前喺超市買雞，點知包裝盒內有一隻小昆蟲做「贈品」，佢就喺私人facebook貼咗條片兼留言大罵!
佢喺網上開火唔係第一次…Lisa上年12月試過喺微博呻遭入境處留難，事緣Lisa生頭三胎都係喺香港生B，當時陀住第四胎嘅Lisa一落飛機被帶到入境處審問，「我這4年來已經把這裡混成了半個家，經常被請過來」，等超過100分鐘，覺得身心疲憊，崩潰，Lisa強調「都要生第四個孩子了，難道我還會假結婚嗎」，事後解釋因為老公陳浩民喺大陸拍劇，冇時間一齊去長沙攞公證書book床位，入境處職員就要佢交公證書，又問佢點解要嚟，Lisa就話三個BB喺香港讀書，身為媽咪當然要嚟照顧佢哋喇!
Lisa喺2013年亦喺微博發火，狂轟工人疏忽照顧囡囡，發現囡囡張兒童座椅有粒釘子，囡囡慘被弄傷，「此刻想殺人!我家保母居然這樣對待我女兒，女兒叫痛痛好幾天」，想痛打工人一頓，Lisa又話囡囡屁股同背被紮咗好多小針孔，至於工人因為偷嘢，同鍾意喺外面講佢屋企是非已被開除。
from:
http://hk.apple.nextmedia ... 160824/19748083
