日本AV界紅人波多野結衣近年嘅產量喺業界可謂數一數二，憑住「暗黑林志玲」喺中、港、台三地知名度大增，風頭直逼「蒼老師」蒼井空。
波多野接拍嘅「愛情動作片」長拍長有，而且八足咁多爪，最近仲出app賺多筆。呢個免費新app叫做「波多野結衣聲音計算器」，用家成功安裝後就可以用呢個應用程式，再配合波多野BB把聲計數，唔止有普通話、日文、等語言，而聲音仲可以揀喜、怒、哀、樂四種形態，雖然四款語氣都各有特色，但就不約而同展現出女神嘅嗲功，有啲仲肉緊到嗌得似曾相識，睇開佢作品嘅男粉絲肯定好有親切感。
可能波多野讀數字把聲實在太似叫床聲，所以呢個app只歡迎12歲以上用家使用，絕對係兒童不宜。出完計數app之後，嚟緊仲會出「波多野結衣鬧鐘」、「波多野結衣相機」，同埋Line貼圖。
from:
http://hk.apple.nextmedia ... 160403/19556046
