日本AV女優「暗黑林志玲」波多野結衣近年積極開拓亞洲市場，仲加入埋台灣開發嘅《17》app，同粉絲玩互動。
昨日又有網民聲稱影到波多野結衣「過大海」去澳門新濠天地玩百家樂，網上流傳嘅相片中，見佢身旁仲有女性友人結伴。波多野結衣身穿黑色外套，隱約中露出少許事業線，當時佢好專注望著友人摸牌，比對方顯得更為緊張，只見波多野結衣不停咁笑，似是有所斬穫。不過，其實波多野結衣佢哋係參加呢個「激情荷官夜」——仲有沖田杏梨——係咪好激？sorry，呢個活動，前晚已完。
但奇就奇在，一search「激情荷官夜」，其實係一間菲律賓叫做「九州娛樂城」邀請呢班AV女優做活動，咁唔通佢哋係去咗菲律賓，又唔一定喎，因為呢間賭場，係網上投注嘅，雖然一班女優的確係一齊出咗個活動，但係咪去咗菲律賓就真係唔知。不過呢間賭場雖然係屬於菲律賓，但個網頁都係繁體中文，搵AV女優宣傳，又係寫繁體字，似乎香港同台灣客都唔少，但搞活動搞到冇乜人知，真係有點兒.....
from:
http://hk.apple.nextmedia ... 151001/19315792
