日本AV界紅人波多野結衣憑「暗黑林志玲」喺港、台兩地響曬朵，雖然打開亞洲市場，風頭亦直逼有「蒼老師」之稱嘅蒼井空，但佢依然冇打算從良，近年來接拍嘅「愛情動作片」仍長拍長有，不過近日女神又再捱病，仲要停工養病o添！
波多野走紅都唔忘本，佢繼續效力AV界，而且仲密密拍，唔知係咪太過操勞，波多野BB近日又再患上重感冒入院！前日，波多野BB喺Twitter話，由於又咳又流鼻水，加上嚴重頭痛同埋喉嚨痛，結果佢去醫院睇醫生，經醫生勸告下，波多野暫時要停工，休息到星期二先會再開工，而佢一出po，都有唔少粉絲、網友問候，希望佢早日康復再以最佳狀態有幕前演出。
波多野雖然病咗，但佢出名事業心重，病住都公佈4月17日會為DVD搞fans見面會。
from:
http://hk.apple.nextmedia ... 160328/19547415
