醫生證實仍可添B徐子淇真封肚：唔驚生最怕教

現年33歲的千億新抱徐子淇昨在上環出席慈善活動，她過去8年為丈夫李家誠先後誕下兩女兩子，湊成兩個「好」字，老爺「四叔」李兆基非常滿意，子淇自爆去年剖腹生完孻仔建熹後，曾在囝囝的百日宴上宣佈封肚，子淇昨日透露醫生指她可再生，不過她卻怕辛苦。

產後4個月的徐子淇已收身不少。

徐子淇婚後為夫家生了四名子女，分別是建熹、俊熹（小圖）、晞彤和晞兒（右圖），老爺李兆基也感滿意。資料圖片


昨日的活動中，大會邀請兩名小朋友上台，徐子淇（右）對她們特別細心照顧。

夏威夷度歲

子淇昨日以飄逸打扮出席活動，她表示農曆新年與家人到了夏威夷旅行，並安排了孩子們跟海豚暢玩和戶外活動，她說：「細仔喺飛機瞓足全程，好似大昏迷，我有用手指睇探嚇佢有冇唞氣，佢瞓覺我哋好舒服，佢可能知表現好，有得再去。」子淇指孩子相處很融洽，她說：「有時整喊咗細佬又走開，我湊得好開心，20幾歲同30幾歲生感覺好唔同，20幾歲生感覺多姿多采，30幾歲生覺得BB融咗喺我心，𠵱家唔想出街，日日想攬住佢。」

四叔嗌滿足

問到老公李家誠有呷醋嗎？子淇說：「有，以前我夜晚會陪老公睇書，𠵱家佢有問幾時輪到佢，我遞BB畀佢，佢話唔係，我都覺忽略咗老公。」子淇認同孻仔拉心肝，她說：「我真係好愛佢，可能BB好乖，一醒就對住我笑。」既然如此就不要封肚繼續生，子淇說：「生就唔難，教難，要花好多時間，好擔心。」她指去年生完孻仔，醫生完指她還可生下去，因為沒有「黏連」情況可以繼續生，子淇說：「生仲可以，不過太辛苦，要花好多心機。」她透露老爺都叫夠：「佢好滿足，咁多小朋友陪佢玩。」

子淇已計劃復活節再安排節目給子女，她自問非怪獸家長，平日都鼓勵孩子參加課外活動，她笑言二女試鏡演話劇，不介意做茄喱啡。

採訪：羅慧敏
攝影：陳順禎
from:http://hk.apple.nextmedia ... 160224/19502766

徐子淇雖然對教學熱誠，但暫時不考慮辦學。

徐子淇的細仔李建熹將電話當糖食，十分可愛。

徐子淇昨日出席在港島中學舉行的「香港夏橋慈善行2016」，子淇的父母、姑爺李寧及兩位千金李敬恩、李敬儀都有出席。過往暑假子淇會為夏橋擔任客席教師，教導基層家庭的青少年英語，她說：「佢哋好有energy，同埋呢個計劃有好多中學一齊參加，其中一間係我母校，所以返到去好有那些年嘅感覺。」

子淇表示任教期間有不少得着：「唔少年輕人最初見到我好怕醜，加上課堂上只可講英文，所以佢哋唔多出聲，但上完兩個月堂後，佢哋都變得好開朗，仲會捉住我傾偈，有時反而係佢哋教番我嘢。」子淇雖然對教學熱誠，但暫時不會考慮辦學。另外，徐子淇在Ig上載細仔李建熹雙手執起電話當糖食的得意相。

採訪：譚倩宜
攝影：陳俊強
from:http://hk.apple.nextmedia ... 160229/19509552

千億新抱徐子淇先後為李家生咗兩個「好」字，今年1月仲豪使千萬於中環摩天輪旁搭巨型帳篷，為孻仔建熹搞百日宴，似乎特別錫佢咁。其實除咗豪搞百日宴，子淇仲不時會喺IG晒建熹靚相。日前，佢就po咗建熹近照，相中建熹所坐嘅凳仲係出自荷蘭嘅nuna BB名牌，呢個品牌旗下嘅「Nuna Leaf」BB凳出名舒服，據稱BB坐上時就可好快覺覺豬。而呢個品牌嘅BB車亦深受荷李活星媽追棒，好似Gwen Stefani、名模Miranda Kerr和Jamie King都係用家。
from:http://hk.apple.nextmedia ... 160302/19512018