「中國欄王」劉翔早前紐約田徑賽因為右腳疼痛，開跑前被迫放棄比賽，搞到國內傳媒非常緊張，點知周一凌晨舉行尤金田徑賽，劉天王又犯規偷步被罰走，有傳媒擔心，佢係因為右腳問題故意「棄權」，避免傷勢惡化，不過劉翔否認專登犯規，仲大派定心丸話：「右腳現在好多了！」
其實美國百一米欄巨星阿倫莊遜都係尤金賽座上客，一心諗住睇劉翔四連霸，可惜第一槍史冬鵬偷完步，第二槍劉翔又跟住隊友偷步，最後被裁判用紅牌趕離場，就咁結束佢奧運前最後一場海外熱身賽，但劉翔就否認自己「幻聽」，或者是有心棄戰：「右腳已經好多了！其實我覺得自己沒有搶跑，我明明是聽見槍聲的，響了之後我才跑的，難道是我跑得太快了？反應太快了？搞不懂！」
