《最佳女主角》下周播黎芷珊搞喊Kelly卿卿

1^# 大中小 young 發表於 2013-9-27 16:28 發短消息

黎芷珊幫無綫主持嘅清談節目《最佳女主角》下周一晚首播，受訪嘉賓包括劉嘉玲、袁詠儀（靚靚）、陳慧琳（Kelly）、劉曉慶、梁詠琪（GiGi）同葉玉卿等。噚日無綫喺尖沙嘴圓方戲院幫芷珊搞咗個首映會，芷珊好友譚玉瑛、麥長青等齊齊撐場。現場播咗15分鐘剪到碎濕濕嘅節目片段，嘉玲、卿卿、Kelly同GiGi等都有講到喊或者眼濕濕。
《最佳女主角》下周播黎芷珊搞喊Kelly卿卿圖片1

無綫《最佳女主角》下周殺到，主持黎芷珊噚日喺圓方出席首映會。

Kelly落淚】芷珊喺節目訪問咗多位女星，唔少都講到喊。
《最佳女主角》下周播黎芷珊搞喊Kelly卿卿圖片3

【卿卿激動】
靚靚：冇俾人包過

片段中靚靚話：「我真係覺得係男女關係拍拖，唔知俾人包嘅感覺。」仲有「我冇俾人包過」，但就冇講到靚靚所指係邊個。芷珊訪問舊愛鄭伊健嘅另一舊愛GiGi時，追問當年GiGi俾人叫「好勝GiGi」，同埋當年攞生日蛋糕去伊健屋企慶祝，跟住call記者嚟嘅傳聞，但現場只係播咗芷珊嘅問題，冇GiGi答案。另外，嘉玲喺片段度話：「係上頭叫佢嘅指示」、「見到呢四個人會多謝佢」，同埋「我冇拍過《省港旗兵》」，之後鏡頭一轉就影住嘉玲喊。
《最佳女主角》下周播黎芷珊搞喊Kelly卿卿圖片4

【嘉玲感觸】

【靚靚憤怒】
from:http://hk.apple.nextmedia ... 130927/18439482

廷伸閱讀/相關主題推介:

相關主題:kelly 黎芷珊

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-9-27 18:01 發短消息

黎芷珊搞喊「女主角」

主持人黎芷珊在無綫清談節目《最佳女主角》中，邀得劉嘉玲、陳慧琳、楊千嬅、李心潔、葉玉卿、楊采妮及內地女星趙薇、劉曉慶等亮相，無綫為宣傳節目，假圓方戲院放映15分鐘經剪輯過的訪問片段，劉嘉玲與葉玉卿在訪問節目內均有感觸落淚，而劉嘉玲談及她在影圈一段不愉快經歷時說︰「我要多謝當時4個人，佢哋都係受人指使。」似重提當年被擄一事，但黎芷珊否認。
《最佳女主角》下周播黎芷珊搞喊Kelly卿卿圖片6

黎芷珊

而李心潔在節目內自爆老公彭順曾打她，當時情況似撞鬼！而袁詠儀則自己提到當年被傳包養一事，但她不覺得被包只覺得自己在拍拖。
from:http://orientaldaily.on.c ... /00282_041.html

TOP

3^# 大中小 young 發表於 2013-10-2 17:17 發短消息

黎芷珊被批明年閃婚

黎芷珊噚日到新城電台接受訪問，宣傳前晚首播嘅無綫節目《最佳女主角》，佢透露原本做20集，𠵱家加到35集，仲要搵嘉賓訪問，不過噚日有傳芷珊請唔到張曼玉同章子怡等，結果就搵番無綫自己友佘詩曼、楊怡同胡杏兒等。事業得意，但芷珊感情未有着落：「蘇民峰師傅話我明年結婚，如果真就係閃婚，因暫時冇對象。」
from:http://hk.apple.nextmedia ... 131002/18445838

TOP

4^# 大中小 young 發表於 2013-10-2 17:33 發短消息

黎芷珊「女主角」加碼添壓力

無綫主持黎芷珊昨日到電台受訪，談到主持的《最佳女主角》前晚首播，她坦言有壓力，更透露節目錄影中，由原本20集加碼至35集，嘉賓名單更要保持神秘。
《最佳女主角》下周播黎芷珊搞喊Kelly卿卿圖片8

黎芷珊有意將兩輯《最佳》改寫成書。

前晚黎芷珊在節目中訪問再婚的內地女星劉曉慶，談及1983年與當時仍是新人的梁家輝合作，對方因住酒店有飯票提供，而她卻食住不佳，為醫肚曾偷梁家輝的飯票。
from:http://orientaldaily.on.c ... /00282_031.html

TOP

5^# 大中小 young 發表於 2013-10-4 14:35 發短消息

黎芷珊挾獎加人工

黎芷珊昨日被忌廉哥𠱁得好開心。

黎芷珊昨日與忌廉哥齊出席在灣仔的吸塵機產品發佈會，芷珊被問到她主持無綫節目《最佳女主角》後，有否調整酬勞？她笑說：「舊年加咗喇，今年唔會，有獎先再加喇。」

談到前晚《最佳女主角》播出的鄭秀文（Sammi）訪問，大獲好評，芷珊笑說：「好多人覺得Sammi同前助手阿爽嗰part好感動，本來諗住搵阿爽錄番啲感受，不過佢怕醜婉拒咗，佢私下力撐Sammi嗰陣唔係大家講得咁差！」芷珊更預告今晚Sammi會談她生命中的一個重要男人。《最佳女主角》周一播出劉曉慶第一集，平均收視21點（約135萬觀眾），比之前《度身訂造旅行團》升3點，而前晚播鄭秀文任嘉賓一集平均20點，有128萬觀眾捧場。
from:http://hk.apple.nextmedia ... 131004/18448861

TOP

6^# 大中小 young 發表於 2013-10-4 18:14 發短消息

黎芷珊爆女主角講太多

主持人黎芷珊和城中名貓「忌廉哥」昨日出席電器品牌活動，黎芷珊表示節目《最佳女主角》首集有21點收視︰「好滿意呀，因為係假期前夕，我哋本身都冇預咁高，喺網上收番嘅評語都好好，嚟緊應該會再高啲。」
《最佳女主角》下周播黎芷珊搞喊Kelly卿卿圖片10

問到是否有嘉賓明言有些話題是不能說時，芷珊說︰「有呀，劉曉慶講明唔可以講愛情，我有嘗試『撩』過佢同伍衞國、姜文拍拖嘅事，不過最後都畀佢兜番，反而香港嘅藝人都好肯講嘢，只會講太多，佢哋有啲之後打番畀我話有啲可唔可以唔出，我話可以，應承得佢哋就唔會出。」
from:http://orientaldaily.on.c ... /00282_047.html

TOP

7^# 大中小 young 發表於 2013-10-18 13:48 發短消息

卿卿講亡母爆喊

無綫節目《最佳女主角》前晚嗰集有葉玉卿做嘉賓，講番佢當年行三級片之路，卿卿話從來冇後悔，雖然聽過唔少閒言閒語，但屋企人尤其係剛過身嘅媽咪好信任佢，講到媽咪，卿卿終於忍唔住喊晒。至於老公胡兆明，卿卿承認有人拎過佢拍嘅三級片畀奶奶睇，佢都明白當時奶奶點諗，但𠵱家佢哋關係好好。至於今晚節目嘉賓係袁詠儀。
from:http://hk.apple.nextmedia ... 131017/18466789

TOP