Kelly陳慧琳冇收埋兒子

陳慧琳（Kelly）昨日在深水埗出席中秋活動，派月餅給長者及玩遊戲，Kelly表示今年中秋會與兩個囝囝玩燈籠及講故事。近日有指Kelly大仔劉昇就讀的學校，有同班家長投訴學校網頁比較少其兒子的相片，懷疑有人用特權不想囝囝曝光，Kelly說：「肯定冇，學校點會畀特權我，教統局每年都會畀家長填係咪願意子女喺網上出現，或者畀學校使用，我都會填願意，可能嗰位家長對號入座，以為係我誤會咗。」

Kelly又說全港報紙都有影過其子，一向都不介意。會否與學校溝通？她稱不會了，盡量低調。提到王菲跟李亞鵬離婚，她表示很可惜，會祝福阿菲。
from:http://hk.apple.nextmedia ... 130918/18427487

陳慧琳（Kelly）每年中秋都化身「月餅大使」派月餅給一班「老友記」，她更希望有機會帶兩名寶貝仔一同做義工。另外有指Kelly恃住藝人有特權，向大仔劉昇「蝦餃仔」學校下「禁攝令」，Kelly直指是誤會一場，更笑言全港市民經常見到「蝦餃仔」。

愛心爆棚的Kelly希望帶兩個仔做義工，她又否認向大仔的學校下「禁攝令」。

陳慧琳昨日到社區中心出席「美心月餅『用心．愛中秋』慈善探訪活動」，向老人家大派月餅，氹得一班「老友記」非常開心，Kelly都說希望兩名兒子長大後可以帶他們一同做義工。Kelly又笑言尚未買燈籠給囝囝：「應該唔同款會好啲，順便教佢哋交換玩，佢哋都會爭嘢玩o架！」

祝福王菲
有指Kelly使特權向學校施壓，禁止學校拍攝和公開「蝦餃仔」劉昇上堂片段，令同班同學的家長非常不滿，Kelly大呼冤枉：「肯定冇，學校點會畀特權我先，我最怕人哋咁講。」她又解釋：「教統局年年都會問家長願唔願意子女喺網上出現或者畀學校用，我都揀願意，可能有啲同班同學家長揀唔願意，畀人對號入座以為係我。」

Kelly又笑言一向不介意「蝦餃仔」被影：「你哋（記者）個個成日嚟影啦，全港報紙都有佢！我諗係嗰位家長搞錯咗，其實係咪佢睇唔清楚，我上網都睇到喎。」

Kelly向長者派月餅，希望他們愉快過中秋。

Kelly與小朋友打成一片。

日前為周杰倫個唱任嘉賓的她笑言只在報紙上見到他的腹肌，問何不在後台叫他晒肌？Kelly高呼：「咁我又冇咁變態！」她又為王菲離婚一事感到惋惜：「都幾可惜，祝福阿菲。」
from:http://orientaldaily.on.c ... /00282_025.html

時裝設計同藝術建築息息相關，正如今期興起的Bauhaus風格深得名人熱捧，這種風格來自德國主流派，以art design為創作主題，凸顯充滿建築美學主義的簡約摩登。別以為這類風格的服飾很難carry，只要堅信「Less is More」的穿衣美學，切勿亂襯首飾配件，就能輕易地把這種富藝術性的簡約摩登演繹得淋漓，而星級造型師Ricky Kwok（郭慶彬）就大讚陳慧琳演繹出「簡單就是美」的時尚法則；劉嘉玲密實中見美腿，又索又型！

陳慧琳
「咩叫做『簡單就是美』？喺Kelly身上可以睇到，前短後長嘅裙款完全騷到佢修長嘅美腿，輪廓好有建築美學，唔需要配襯首飾，都可以着出壓場霸氣！」

Profile
著名星級造型師郭慶彬（Ricky）曾遠赴米蘭與巴黎時裝周，出席不少著名品牌的活動，也曾被邀在中國時尚節目《美麗俏佳人》任嘉賓主持，近年也被各大品牌邀請客串造型顧問，為VIP提供服飾資訊與配搭技巧。Ricky曾為李冰冰、吳君如等擔任造型師，地位被肯定。

謝安琪
「個圖案好有藝術美學元素，佢carry得到，加埋佢個髮型，整件事都配合得幾好睇，有時唔需要性感，都可以表達出線條美感。」

鄧紫棋
「佢本來着得條裙幾好睇，但衰在個Amy Winehouse髮型，簡直倒扣分，好地地梳個all back髮型咪仲trendy！」

章子怡
「不規則嘅裙款好有解構美學主義，凸顯到佢嘅鎖骨線條，呢條黑裙無論剪裁同長度，佢都carry得好，加埋佢嘅all back髮型同簡單鑽飾，完全散發到simple elegant嘅光芒！」

劉嘉玲
「黑白配好易着得有型，layering裙襬設計拉長佢雙腿線條，佢唔算係高挑身形，但勝在身段均勻，密實打扮只係露吓腿，依然好索！」

郭慶彬（Ricky）
From:http://orientaldaily.on.c ... /00282_060.html