有「最hea 港姐」之稱張舒雅，又缺席海外招募記者會，連海報亦沒有她的肖像。樂易玲語帶雙關的表示「唔覺得需要佢出席」，又指是她生命中的失色。
陳倩揚、馬賽和高海寧，聯同一班香港先生出席「2009 香港小姐香港先生選舉海外招募」記者會。○八年港姐冠軍張舒雅未有出席之餘，連宣傳海報亦沒有她的肖像，以亞軍陳倩揚為「主打」。
當選只靠運氣
製作資源部總監樂易玲被問及此事，她語帶雙關的說：「佢連海報都無影，更加唔需要佢出席囉。佢話自己身體無大礙，叫公司安排啲輕量啲工作，又話過畀記者跟蹤有壓力，今日有記者喺度，今日我覺得暫時唔係咁適合佢。（咁咪無工作
佢？）睇吓啦。」
她表示張舒雅雖然沒有合約，但要有一種香港小姐的承諾去履行責任。問到之後會否與她簽約，她說：「無咁早，世事難料，佢咁後生又咁好彩當選，唔知當選結果係咁要履行責任，始料不及。（失色咗？）唔會因為一個香港小姐而影響到公司咁多年形象，反而喺佢生命同經歷上有啲失色。其他三位就體驗到佢哋嘅人生
。」而陳倩揚有弦外之音說：「我都係做好自己本分，公司有佢自己嘅立場。（當咗自己冠軍？）當係一個事件同歷史囉，我又唔係當事人。」
唔需要黃長發
另外，在香港先生的海報上，黃長發亦沒有影蹤，樂易玲表示公司與他的合約形式已改變，而對方已不活躍娛樂圈當會計，亦覺得不需要有他存在，至於會否現身香港先生選舉，她說：「呢啲要問番製作部再決定。」而高鈞賢則表示每個人有自己的發展和去向，自己會選擇去珍惜。
至於應屆香港先生朱允崇亦不在海報上，樂易玲說：「佢當選後同我哋傾過，因為佢喺外國教書，經濟同家人都喺
邊，加上自己廣東話唔好，我哋都尊重佢決定。」同場，09 年香港小姐監製潘裕佳表示是否由陳倩揚為下屆港姐加冕，他表示仍未定案，又否認與謝安琪不和傳聞。
文：影視組
樂易玲
張舒雅（資料圖片）
（左起）陳倩揚、馬賽與高海寧等合照留念。
