樂壇天后陳慧琳（Kelly ）選在浪漫滿瀉的情人節報喜，正式宣佈造人成功，現時已懷孕3個月。去年10月結婚的Kelly 一直表態恨生BB ，不過她昨日出席公開活動公佈大肚喜訊時，仍然百無禁忌穿熱褲露長腿配4吋鬆糕鞋上陣，更揚言會Keep 住型，靚到分娩一刻，實行做個潮媽icon 。
踏入牛年後娛樂圈又傳喜訊！36歲的樂壇天后陳慧琳去年與拍拖16年的男友劉建浩（Alex ）拉埋天窗，講明婚後要老公戒煙趕造人，昨日她在情人節前夕正式宣佈懷孕3個月，預產期是今年8月，如無意外應會在港生育。
百無禁忌「著住呢對鞋跳舞都得」
步步驚心誓言要做潮媽的Kelly ，昨日仍穿熱褲露長腿，腳踏4吋鬆糕鞋，有型依舊。
Kelly 昨日雙喜臨門，她在山頂出席美心餅店活動時，除宣佈續約代言人外，更公佈懷孕喜訊，令今日的情人節更見幸福滿瀉。雖然Kelly 的腹部未見隆起，但身形較前豐腴，穿Chlo
外套及熱褲露長腿的她，還腳踏4吋鬆糕鞋示人，繼續有型行先。活動開始時，司儀表示Kelly 賺錢多，可以買一架二人駕駛、一人坐的車（即指BB 車），豈料Kelly 答道：「係呀！我已經有咗3個月，Alex 仲負責揀BB 車。」大會昨送贈價值逾3萬元的蜘蛛肚花膠給Kelly 補身，她在台上講述懷孕心情時說：「真係好開心，但又好擔心，驚個BB 唔知健唔健康，希望可以順利生到。」貪靚的她更揚言堅持型到分娩一刻，她說：「而家仲可以著高踭鞋，靚啲呀，我仲唔搏命著？Keep 住型。」有餡的Kelly 昨日仍表現輕盈，接受傳媒訪問時身體不停搖來搖去，大力踏步落台時更發出「啪」一聲，嚇得身旁人士大為緊張。問她會否留在家養胎，她百無禁忌地說：「如果論盡就唔出街，費事行行吓跣低咪死？自己都擔當唔到。活動自如就話唔擔心，但太辛苦，我驚人哋都擔心啦。」會否減少著高踭鞋？她說：「盡量著到變得論盡為止，我著住呢對鞋跳舞都得，而家有咁靚得咁靚，過幾個月後就唔知啦！」Kelly 謂本希望生龍鳳胎，她說：「但而家最重要BB 健康，太細個唔知佢仔定女，冇所謂啦，睇個天畀乜嘢我咋。」Kelly 婚後短短4個月已懷孕3個月，換言之婚後一個月已火速有孕，問她有何獨門秘方？她笑說：「冇喎，睇醫生有指示。」是甚麼指示？她只說：「專業人士會教㗎啦。」
家人高興奶奶贈鮑魚花膠補身
原來Kelly 農曆年廿五曾赴滬工作，當時已知懷孕的她仍唱快歌《紙醉金迷》，新年期間則乖乖留港度歲，她說：「其實知道過刻好難以置信，屋企人都好開心，仲即刻摸我個肚。屋企人同老爺奶奶買咗鮑魚、花膠、海參、魚翅、燕窩，所有最貴嘅嘢畀我。老公就幫我煮嘢食、拎嘢、洗嘢咁咋。」問她懷孕後口味有否改變？她說：「我冇嘔，都算OK 唔辛苦，每日口味就有唔同，有時鍾意食士多啤梨、芒果，鍾意食生果多啲。」她指Alex 反而禁忌多多，Kelly 說：「有時我做啲伸展動作，趴喺地下佢就唔畀，嚇親佢。」
蓋衣保暖傍實Kelly 的工作人員表現緊張，攙扶她上台兼在她坐下時以衫鋪腿保暖（圖）。
胃口大開大肚後的Kelly 笑言口味經常變，不知有否胃口大開？
繼續工作「唔太想成日留喺屋企」
Kelly 又謂產後未必減少工作，她說：「暫時一切正常，到我最辛苦嘅時候先休息，生完要睇健康狀況，我就唔係太想成日留喺屋企。」她也不抗拒產後拍收身廣告，說：「睇佢點拍，唔好太核突就得。」會否拍大肚寫真？她說：「邊有人睇呀？咁恐怖！如果唔露個肚，有個shape 都OK 。」Kelly 目前仍如常工作，更會為《左麟右李》演唱會擔任嘉賓，Alex 目前則在外地公幹。Kelly 經理人鍾珍昨日指Kelly 的工作將有變動，她說：「原本3、4月有10幾個外地騷搵佢，而家推咗。原定暑假推出嘅國語大碟就延遲到年尾，或者將來可以錄埋BB 把聲。」採訪：王連連攝影：陳慧安、仇志德
小心攙扶傍實Kelly 的工作人員表現緊張，攙扶她上台兼在她坐下時以衫鋪腿保暖。
Kelly 與丈夫Alex 去年10月結婚，婚後4個月已成功造人。
摩登潮媽
Kelly 去年10月新婚不久，即馬不停蹄往返內地及台灣掘金，盡顯靚太及事業強人本色。昨日她宣佈有喜，選擇穿上其至愛法國名牌Chlo
的09春夏新裝作孕婦look ，一襲白色套裝，露出長腿配以gladiator 式風格的4吋platform 鬆糕鞋，顛覆傳統孕婦打扮，身體力行以新世代的獨立潮媽摩登look 打扮示人。
相士話：牛B 欺負牛爸爸
陳慧琳昨日宣佈懷孕3個月，玄學家麥玲玲昨日在電話中指出屬鼠的Kelly 和其屬牛的丈夫Alex ，與將出生的屬牛BB 均十分夾得來，而且BB 可帶旺Kelly 生育後的事業，但長大後會欺負爸爸。因BB 於下半年出生，五行平均，脾氣不會像上半年出生的小孩子般暴躁，而且性格勤力兼實在。麥玲玲又指Kelly 本命有兒亦有女，故今次她懷的可能是龍鳳胎。
娛樂資料庫女星出嫁火速造人
去年10月結婚的陳慧琳火速造人成功，宣佈懷孕3個月，正所謂有仔趁嫩生，不少女星嫁人後也快速「增產報國」。
張燊悅
徐子淇
張燊悅07年11月與前任議員楊孝華兒子楊哲安結婚，上月一索得女。徐子淇徐子淇於06年12月與恆基兆業二公子李家誠在澳洲舉行世紀豪華婚禮，翌年7月中即誕下女兒李晞彤。張柏芝謝霆鋒與張柏芝於06年8月在菲律賓結婚，年底即傳出喜訊，並於翌年8月1日誕下兒子Lucas 。王菲05年7月與李亞鵬低調成婚，同年11月承認懷孕3個月，並於06年5月誕下女兒李嫣。李嘉慧05年中與男友任偉成於美國秘密結婚，翌年3月誕下B 女Valerie 。資料來源：《蘋果》資料室
腰肢渾圓Kelly 昨日公開宣佈懷孕3個月，但腹部仍未見隆起。
http://appledaily.atnext. ... art_id=12205216
