黃心穎笑言穿性感晚裝，沒有給馬國明（小圖）過目。
香港演藝人協會昨晚在尖沙嘴洲際酒店舉行籌款晚宴，筵開46席。演藝人協會名譽會長曾志偉、陸詩韻、王君馨、鄺美雲、陳玉蓮，表演嘉賓鄭欣宜、C AllStar及鍾舒漫等到場。大會司儀由黃心穎、李志剛、鄭啟泰及路芙擔任。昨晚大會透過視像電話頒發「演藝貢獻榮譽大獎」給身在外地的成龍，曾志偉表示成龍獲奧斯卡頒獎，可算是華人最高榮譽獎。
結婚才會公開
昨晚擔任司儀的黃心穎以低胸晚裝出現，她笑說未有給緋聞男友馬國明過目：「今日嘅主題係華麗吖嘛，睇報道咪見到囉，佢又唔係未見過我着得咁性感，台慶我都有着。」她透露每次看電影，馬國明都會遷就她的喜好，她說：「我唔睇恐怖片㗎，同埋我都唔會攬埋一齊。」她笑言拍拖不會公諸於世，假如宣佈一定會是結婚，她說：「如果有一日宣佈都會係結婚至會話畀大家知，不過到時可能唔係我呢，感情事其實都唔會交代太多喇。」
曾志偉感謝籌委主席余安安捐出畫作（右圖）籌款。
任達華跟方力申一同到場，華哥受訪時謂正在廣州拍新片《時代狂人》：「呢套係喜劇，會帶女去睇，我演豬場老闆，搞到一半劇組嘅人拍嘅時候唔敢食肉。」他目前亦忙於宣傳電影《鮫珠傳》。
余安安跟曾志偉接受訪問時，安安表示今年擔任籌委主席：「大家想開開心心多啲愛，所以就用抱抱嚟做主題。」志偉笑言籌款目標很大，希望隨緣樂助：「𠵱家咁多傳染病，希望將愛都傳染埋出去。籌款係籌募經費，之前都停辦咗一年。」
任達華下星期將到英國會合在當地度假的妻女。
方力申、肥媽及王君馨等昨晚盛裝出席演藝人協會籌款晚宴。
拍賣大馬公寓
另外，場內舉行拍賣籌款，物品包括馬來西亞一座價值116萬元高級公寓，底價50萬；鍾鎮濤捐出底價10萬的手造結他；余安安畫作「富貴有余」底價8萬；陳慧琳捐出08年演唱會的頭飾，底價3萬；還有成龍捐出12支紅酒，不設底價。其餘物品有手錶及珠寶玉器等。劉嘉玲、天下一、英皇及寰亞等電影公司買枱支持。
採訪：羅慧敏
攝影：陳俊強
from:
http://hk.apple.nextmedia ... 170729/20104906
