藝人吳日言（Yan）於2016年11月底和拍拖17年的男友Barry Lam到日本沖繩註冊結婚，做了年多林太的她，前晚在私人會所補擺婚宴，筵開10席宴請親友，圈中好友蕭潤邦（Oscar）及未婚妻江若琳、節目拍檔茜利妹等到賀。身穿大紅低胸晚裝的Yan大晒「Y字胸」，令全場嘩然，將於年底結婚的Oscar甚至無視江若琳在旁，「高炒」自拍斜(目及)新娘子胸部的搞笑相，並上載到社交網，他搞笑地留言：「今日吳日言勁大日子」！
Oscar（左）無視江若琳（右），搞笑狂(目及)新娘吳日言的巨胸，難得老公仔Barry唔介意。
前晚Yan接受電話訪問，問到可有請曾傳緋聞及不和的麥浚龍，她說：「冇呀，都係請番熟嘅舊同事。」遲遲才補擺喜宴，因為她喜歡場地的關係：「呢度係百年古蹟建築物，好切合我同老公細水長流嘅感情，預訂呢度要先做會員，仲要自薦，再用英語面試，足足排咗7個月先得。」
吳日言大送飛吻。
前年出嫁補擺喜酒
吳日言努力造人恨當媽
吳日言夫婦前年結婚，前晚在有百年歷史的中環梅夫人婦女會補擺喜酒。互聯網圖片
現年34歲的吳日言（Yan）前年10月榮升人妻，跟男友Barry結束17年愛情長跑，在沖繩註冊結婚。隔了足足15個月後，Yan前晚才跟老公在港補擺喜酒，假中環梅夫人婦女會筵開十席，她在電話表示籌備了7個月：「其實特別揀呢個場地係因為好有歷史價值，過百年嘅建築物，好似我同老公嘅感情細水長流。」
Oscar（左）和未婚妻江若琳拍拖賀爆乳新娘吳日言。互聯網圖片
百日宴再大搞
Yan大讚喜酒場地好靚：「Book呢個場真係唔容易，等咗七、八個月做member，仲要係外國人interview，自己去見工都未試過要外國人同我見面，好緊張，好在pass咗。」儀式好簡單，只有家人和好友出席，她說：「冇乜特別儀式，好多人嚟祝福自己，好開心，大多數都係爸爸嘅好朋友，睇住我成長。」
人妻Yan更開口恨做媽咪：「希望快啲有好消息，擺百日宴時再搞大型啲，好多親戚朋友都催我有小朋友，我都努力中，希望度蜜月返嚟之後就有好消息啦，其實都唔算度蜜月，一班朋友去北海道。」
安仔賀朱明銳
有份出席喜宴的江若琳和男友蕭潤邦（Oscar）亦將於今年底拉埋天窗，問江若琳是否去偷師？她以短訊回覆：「今年勁多朋友結婚呀！」Oscar則貼出新娘的爆乳look相，問到時會否准江若琳做性感新娘？他表示：「我真係有諗過佢套婚紗係樽領，懷舊款式呀。」
此外，前新城高層朱明銳前日亦娶新抱，大仔Jeremy和Elaine結婚，兩父子餅印一樣，晚上在科學園會所擺50圍，許志安、林盛斌（Bob）、黃紫盈、鄭丹瑞等都有現身，未能出席的薛家燕、MC Jin、李克勤和G.E.M.就拍片祝賀。
採訪：小米、陳杰
許志安（左二）前晚以爛牛look，出席朱明銳（左一）娶新抱婚宴。
Bob（右）在新城做節目主持時，得到當年上司朱明銳提攜。
