大台處境劇《愛回家之開心速遞》已經去到二百幾集，繼陳浚霆之後，又有人要離場，佢就係演「侯蔡欣」嘅14年港姐冠軍邵珮詩。日前佢拍完最後一集，之後開live講感受，佢話由最初俾人批評佢扮可愛，到依家有人接受，無論有人鍾意，抑或唔鍾意佢我，都係用心去做，喺最後日子，係更加用心去明白「欣欣」嘅心聲，「欣欣」做出呢個決定(辭職)係冇遺憾。講到呢度邵珮詩已經好唔捨得，對住鏡頭眼泛淚光。
講到要離開《開心速遞》時，邵珮詩開始眼泛淚光。
佢唔捨得個劇，相信啲觀眾都一樣唔捨得。
由負評到正評，邵珮詩確實花咗唔少心機演「侯蔡欣」。
因為要調去拍其他劇，所以離開入屋嘅《開心速遞》。
最初演「欣欣」，佢俾人批評扮可愛。
咁又係嘅，佢當選後除咗知道佢係維仔奶後人，其餘冇人留意，直至演《開心速遞》，先有網民留意佢存在，呢個劇確係帶俾佢好多嘢，依家劇情要交待佢辭職，之後消失呢個劇，喊住唔捨得，理解嘅！
