同袁偉豪撞樣，似孖生兄弟嘅Neway太子爺薛世恒，以四十歲之年超齡入娛圈。冇緊要，屋企又唔係等錢開飯，梗係把握時光追夢啦！
入行要取經，不過薛公子唔係搵前妻陳法拉，而係搵《無頭東宮》向海嵐。呢日向海嵐同個姊妹喺置地high tea，食到半路薛公子中場加入。話明係公子，High tea梗係叫杯白酒先襯番公子嘅life style。
係咪對住兩個女人有啲唔自在，還是怕醜？歎緊杯白酒，薛公仔都仲係好拘謹，一啲都唔relax。
之後向海嵐不停向佢講解一啲嘢，薛公子就乖乖咁聽，雖然八珍冇順風耳，百里外唔知佢哋講乜，但從男方坐得正襟危坐，向海嵐又傾得咁認真，斷估都唔係風花雪月啦
為夢想，薛世恒四十歲闖娛圈，仲搏命進修演藝課程。
向海嵐（右二）同薛公子前妻陳法拉（右一）都係選美出身，不過當年佢兩個冇正式合作過，無乜兩句。
好多網民都鍾意向海嵐演奸妃嘅《無頭東宮》，可惜到依家佢都未心動想返TVB拍劇。
傾完向海嵐就急急腳走先。
撰文：八珍
攝影：李玄
超齡闖娛圈薛公子搵向海嵐取經
