李璨琛（Sam）同老婆梁志瑩（Pae）結婚五年，一直以來都相當恩愛，兩公婆成日出雙入對，十足糖黐豆咁四圍去。
日前，東姑又喺筲箕灣東大街遇到佢哋兩公婆。當時，戴住黑超、gel到個頭靚一靚嘅Sam，孖住老婆入咗一間舊式嘅電器舖。佢除咗喺度買嘢、揀嘢之外，仲同舖頭嘅老闆猛研究；而老婆全程一粒聲都唔出，好識do咁企埋一邊，等老公揸fit話晒事。最終，佢哋買咗個家用嘅電拖把，然後由Sam做「柴可夫」揸車離開。
睇嚟Sam的確娶到個好老婆，識嫁雞隨雞，夫唱婦隨，何況屋企嘅電器嘢，緊係男人話事啦！
阿Sam買嘢，老婆企埋一邊，唔會加把口。又啱嘅，買電器呢科都係等男人話晒事啦！
兩公婆最後買咗個電拖把，應該係買返屋企用。
老婆識Do，阿Sam待老婆亦體貼，出入都由佢揸車做「柴可夫」。
