《東張西望》索人妻梁麗翹(Nicole)昨日喺facebook爆畀人非禮﹕「未經對方同意或意願、同性或異性之間的身體接觸，含性意識，所接觸的部位可能但不限於敏感部位，亦有可能被視為非禮行為。」
Nicole話搭𨋢時被一位阿伯磨擦臀部，仲用身體將佢「推進」擠逼入𨋢裏面，雖然佢冇即時報警，但都好大膽立即叫﹕「停止！」佢話同類事件已經發生過兩次。不過令Nicole最嬲嘅似乎唔止被人性騷擾，而係佢將事件分享到社交平台後，遭部份網民惡意抨擊。
Nicole之後接受傳媒訪問時解釋﹕「我講呢件事，係想同其他女仔講要保護自己，無論係唔小心或專登，都要嗌咗出嚟保護自己先。」問到遭網民惡意留言有冇嬲？Nicole就回答冇話嬲唔嬲，但唔明點解佢哋咁諗，出發點係乜？覺得好奇怪。
from:
http://hk.apple.nextmedia ... 170823/20129703
