松岡李那(Linah)和周焯華（洗米華）緋聞熱爆，被封新寵，曝光和搵錢機會相對飆升，除了戀事火熱外，松岡擁有俘虜男人心的秘密武器，入得廚房出得廳堂。日前松岡親自下廚炮製正宗日式壽司卷物，由洗米、煲飯、加醋烹調、切製食材等步驟都好講究執著，見她下廚手勢了得，品嚐時更大讚好味。
松岡平時喜歡下廚，以前和爸爸同住時經常搗亂廚房，身為日本人的她鍾情日本菜，不時下廚綁住男友心，在日本曾為男友下廚減肥，她說：「以前男友好肥，我每日都煮飯盒俾男友帶返工，用糙米、雞胸、漢堡和豆腐等，低脂低卡路里食材，半年他由一百公斤，降至八十公斤，足足瘦了二十公斤。」
松岡搵男友外型有種堅持，要個子高和喜歡運動，肥仔一定無行「I hate fat people.」。
唔講大家唔知，原來松岡初戀男友是巴西人，松岡自小幻想自己是混血兒，松岡說：「媽咪話我死咗之後就可以，仲叫我第日可以嫁鬼佬，啲仔女就係混血兒，我當時大約六歲就諗都可以，我初戀男友係巴西人，之後我只喜歡亞洲人。」松岡現時追求感情關係要兩人夾，開心快樂，屬性情中人的她不受束縛，我行我素，最緊要甜蜜。
採訪：卓寶花、懷鈺
場地：Rent A Kitchen
from:
http://hk.apple.nextmedia ... 170824/20131186
