出名靚聲的衛蘭（Janice）一直被指身形脹爆，開紅館騷前她揚言不會刻意減肥，希望大家能專注其音樂，前晚Janice在演唱會上更自爆肥了10磅！她跟妹妹衛詩講往事時，被踢爆「食埋阿妹嗰份」！
衛蘭自爆肥咗10磅，所以專揀黑色歌衫，睇起嚟瘦啲。
歌手衛蘭一連三場演唱會《Oh My Janice World Tour 2018》前晚開鑼，開騷前幾日Janice病倒，仍然落力獻唱。個唱中段，Janice換上黑色造型唱出《大哥》時，組合at17由台下升上來驚喜現身跟Janice合唱。
at17讚謙虛勤力
之後，林二汶憶起為何當年留意到Janice：「事緣2005年at17開騷，喺opening嘅時候，見到有個女仔好緊張、好狼狽咁着住高踭鞋收工趕嚟，多謝Janice。」盧凱彤更大讚對方多年來非常謙虛勤力，今次的演唱會沒有設歌詞機，因為Janice全部背熟歌詞！
衛蘭坐着半天吊的「樹藤車」出場，極具氣勢！
組合at17與衛蘭提起往事，忍不住大笑。
之後，穿上裸色裙的Janice坐在半空吊着的「樹藤車」出場，一向不擅長說話的她，直言透過音樂和畫畫去表達自己，並自爆兩年前脊椎側彎要重新學行路：「咁大個人要重新學行路唔係容易嘅事，同我嘅音樂路都好相似，呢兩年我先表達多啲自己，以前成日收埋自己。其實呢個係我脆弱嘅一面，好少喺咁大嘅場合公開同大家分享。」隨即用鋼琴自彈自唱《Make You Feel My Love》及黎明的《情深說話未曾講》。
衛蘭（左）、衛詩姊妹倆溫馨咀嘴。
Janice到台側跟歌迷握手。肥10磅爆糗事
而開騷前預告不會減肥的Janice，跟着自爆增肥10磅，她說：「上一次演唱會我減咗10磅，但今次我增咗10磅！」到尾聲時，妹妹衛詩（Jill）出場與Janice合唱，姊妹兩人更咀嘴兼大講過往的經歷，Janice搞笑說：「16歲嗰時買咗高踭鞋，妹妹偷偷地着咗，着到爛晒我都冇嬲佢。」Jill即抵死說：「你有啊！你個樣好嬲，我細個都好怕肥，所以我成日都唔肯食飯，但家姐佢會食埋我嗰份！」令全場爆笑。到Encore部分，Janice到台兩側跟歌迷握手作近距離接觸，並唱出《離家出走》及《就算世界無童話》為演唱會畫上圓滿句號。
文：音樂組
攝：鄭家俊
情深說話冇乜講 紅館齋唱
衛蘭增肥十磅 衛詩爆欺凌
衛蘭（左）自爆今次演唱會肥了十磅，她拖着妹妹衛詩合唱。
衛蘭（Janice）一連三場紅館演唱會「Oh My Janice World Tour2018」，今晚最後一場，前晚首場演出順利完成。Janice早前表示未有為演唱會刻意減肥，希望大家留意她的音樂，前晚她在台上笑說：「上一次演唱會我減咗十磅，但今次我增肥咗十磅。」
衛蘭透露兩年前發現雙腳長短不平衡，腰椎變形，要重新學行路。
衛蘭與歌迷擊掌，全場氣氛高漲。
at17獲邀擔任衛蘭個唱嘉賓。
腰椎變形學走路
是次Janice專心演繹《八九十》、《珍妮絲的告白》及《驗傷》等多首較少唱的歌。演唱會中段，她透露近日身體抱恙，但會盡力唱歌：「好多人同我講，上台多啲講嘢，但大家都知道我講嘢唔叻，淨係識得用音樂同畫畫表達自己。」
Janice又說，兩年前發現左右腳高低不一，令腰椎變形，要重新學習走路姿勢：「咁大個人重新學行路其實好難，醫生叫我唔可以做運動，但我覺得自己可以克服到，於是我堅持，希望大家可以同我一樣，唔好輕易放棄。」
「我哋細個好怕肥」
嘉賓方面，包括at17和妹妹衛詩（Jill），林二汶和盧凱彤跟Janice合唱《大哥》，Jill現身時則和Janice手拖手唱新歌《細細個》。Jill說：「家姐由細到大都對我好好。」Janice即回應：「記得16歲時我買咗對新高踭鞋，Jill着爛咗，我都冇鬧佢。」惟Jill踢爆：「你有呀，你個樣好嬲㗎！我哋細個好怕肥，我成日唔肯食飯，但家姐會食埋我嗰份。」到演唱會尾聲，Janice自彈自唱《Make You Feel My Love》及翻唱前老闆黎明的《情深說話未曾講》。
採訪：曹家誠
攝影：陳俊強
