朱智勳揭好友供應佳仁自爆遭誘食大麻

目前停工的佳仁，昨午自爆曾遭男友朱智勳的好友誘食大麻。

韓國女團Brown Eyed Girls的29歲成員佳仁，大前年與男星朱智勳合作三級MV而撻著，不過近日疑因背男友劈腿、懷孕、墮胎等不實傳聞而精神狀態不佳要入院，上週四佳仁透過Instagram公開患有失眠、肺炎及恐慌障礙的診斷書。目前停工接受治療的佳仁昨午突然在Ig爆大鑊，表示曾遭朱智勳的好友誘食大麻。

佳仁率先預告將公開令她精神不穩的理由，隨後上載一張短訊對話截圖，當中顯示對方否認引誘佳仁食大麻，不過佳仁認為對方只是狡辯。佳仁於Ig寫道：「即使我是朱智勳的女友，朱智勳的朋友朴正旭（音譯）竟然引誘我食大麻，事實上我的確差一點被引誘。」佳仁又以「以後每三個月主動接受大麻檢查」力證清白。

昨午，佳仁及朱智勳的所屬事務所表示：「目前不作任何回覆。」至於曾演出韓劇《春日常在》的22歲男星朴正旭，因跟引誘佳仁食大麻的人同名而無辜中槍，昨日已急急澄清。而朱智勳曾於09年因吸毒而被判緩刑及社會服務令，2012年拍攝《我是王》復出。

T.O.P親筆信道歉

此外，跟佳仁老友的天團BIGBANG隊長G-DRAGON，前日於日本開騷時代捲入吸毒風波的成員T.O.P道歉，T.O.P昨日透過所屬的YG事務所官網上載手寫信道歉，指自己沒有任何的辯解，會接受所有責罰並承諾不會再犯。

撰文：文康妮

朱智勳大前年與佳仁拍MV撻著，之後再次受到關注。

曾孖佳仁外出遊玩的GD，前日代T.O.P吸大麻一事道歉。
from:http://hk.apple.nextmedia ... 170605/20044296

朱智賢搵美容師上門為愛犬洗牙，結果換來一肚氣。互聯網圖片

港姐出身嘅新一代咪神朱智賢，前日喺facebook貼文，鬧爆一個上門幫狗狗清牙石嘅寵物美容師不負責任，最嬲係對方將佢電話喺網上公開，又間接公開佢地址。

朱智賢獲網民撐，更互訴冤屈。互聯網圖片
不斷遲大到

原來朱智賢上星期約咗嗰個美容師上門幫狗狗清牙石，本身約咗3點，但對方突然話要4至5點先到，之後又改6點，然後到近6點先話要同一隻貓沖完涼先過嚟，叫朱智賢等多個幾鐘。最後朱智賢決定唔等，改期叫對方前日中午12點再嚟，但最後都係遲到。最終朱智賢取消預約，因感對方毫無責任，點知對方仲喺fb貼文解釋，好彩網民都撐朱智賢。

據知，朱智賢本來都唔知道電話俾人公開咗，直至有一個陌生女仔WhatsApp佢，提醒佢俾呢個美容師公開咗電話，同埋登咗google map出嚟，間接公開咗佢地址，佢先至即刻搵嗰個美容師，叫佢即刻刪除，但對方都依然冇道歉，只係話按錯咗。朱智賢噚日接受傳媒訪問，講到被公開個人資料，佢話：「我問咗朋友意見，諗住報警處理，因為間接有埋我地址，覺得好大件事！」

撰文：馮仁昭
from:http://hk.apple.nextmedia ... 170622/20063930