許廷鏗昨日公佈正式簽約華納，受訪時只有奇妙及有線電視咪牌，無線採訪隊未有邀做訪問。
鄭欣宜開設的曲奇甜品專門店昨日在銅鑼灣開幕，獲好友許廷鏗、胡鴻鈞及鄭融等出席支持。約滿星夢正式簽約華納的許廷鏗，由華納經理人陪同下首度現身，並自離開無線後首次接受有線訪問，而無線雖有派出娛樂新聞採訪隊到場，但未有訪問許廷鏗。
許廷鏗笑言與欣宜傾過將曲奇餅店分拆上市。
鄭融現身支持欣宜的曲奇甜品專門店新舖開張。
「呢個世界係圓」
有傳許廷鏗已被無線列入黑名單，但他卻聲稱只是炒作新聞：「我好感謝公司對我嘅栽培，希望日後有機會再合作，呢個世界係圓嘅。」但當問到日後會否去無線宣傳新歌時，他則沒正面回答，只謂：「我梗係宣傳啦！我點解唔做宣傳呀？」
對於被形容為華納一哥，許廷鏗說：「唔係一唔一哥，我都希望事業有新進展，突破一啲嘢，今日正式公佈去華納，我係歌唱比賽出身，想用音樂去做啲嘢，新公司好配合同支持我，所以我喺音樂嘅發展非常放心。」之前有傳他想自組工作室，許廷鏗表示並無此事，期待加盟華納後和大家分享自己的音樂，他並語帶相關說：「之前好多曝光，比重喺劇集方面，嚟緊都希望多啲唔同嘅音樂發展。」
欣宜拒父入股
此外，欣宜透露投資首間的曲奇餅店已試業半年，生意尚算不俗，自己經常去巡舖，凡事親力親為，有意在九龍區開間面積較大的分店。她並笑言爸爸鄭少秋也很喜歡吃曲奇，之前還幫襯買了不少月餅曲奇送給朋友，不過她表示不希望爸爸入股，寧願和朋友合作。在旁的許廷鏗即笑謂：「有傾過㗎！睇嚇有冇機會，分拆上市，分拆再上市。」
採訪：黃曉妍
攝影：沈健程
from:
http://hk.apple.nextmedia ... 170604/20043643
