汽車美容可以由外到內，坊間有數唔清咁多汽車美容用品及服務，但一個牌子兼顧到汽車內外就唔多，好似一直專注於引擎修復及偈油嘅SUPER RESURS，近年不單擴展產品線至車身美容，香港代理早前更於土瓜灣開設全港首間SUPER RESURS Proshop，銷售全線SUPER RESURS嘅產品外，仲加入車廂清洗殺菌服務，以後車友到土瓜灣又多個一站式蒲點。
納米抗菌車廂
由SUPER RESURS Proshop代理嘅bactakleen「超薄霧納米抗菌處理」都係店內重要產品及服務之一，店內除咗有得賣超薄霧機及淨化精油外，更可即時為車主提供單次的殺菌服務，只需約半小時就可以利用薄霧殺死車內高達99.9999%細菌、真菌等過敏原，令車內回覆純淨狀態，愛自己、愛家人，要試一試。此外，新店新加入最近大熱嘅Rainbow吸塵機服務，可以為客人徹底清潔地毯及座位，配合埋bactakleen的服務一齊做，車廂環境分分鐘仲乾淨過屋企。
Bactakleen「超薄霧納米抗菌處理」可以由冷氣系統開始發揮作用，噴發薄霧後再閂車門開著冷氣二十分鐘即可殺菌。
Proshop不單有bactakleen的服務提供，更有產品零售。
最新引入Rainbow吸塵機為車廂地毯及座位徹底清潔。產品最齊最專
既然係SUPER RESURS嘅專門店，SUPER RESURS嘅產品當然係全港最齊，由最出名嘅偈油及引擎修復產品，以至最新嘅頭燈、玻璃修復及車身鍍膜劑都有，用家走入店內自然有店員詳細介紹各產品特性。據知，唔少產品都可以D.I.Y.使用，店員全部經過專業培訓，樂意分享SUPER RESURS產品使用心得，唔怕貨比貨，唔買嘢都可以吸收嚇汽車護理常識。
其中頭燈起漬修復最方便使用，一般要人修復一對燈都要近千蚊，自己買SUPER RESURS修復套裝返去搞，效果一樣，只係$300有找，仲可以做到兩對燈，抵用又有效果。
玻璃修復都係SUPER RESURS新產品，先用起漬軟膏（右）喺玻璃上除去污漬，然後就可以施用鍍膜噴劑。
頭燈起漬後已回覆清晰，再用軟布搽上鍍膜液即可。
車身鍍膜噴劑（左）非常易用，基本上一支可以做到一部車，而頭燈起漬修復套裝就可以做到兩對頭燈。
SUPER RESURS有三大種類偈油，全部德國製造，總有一款啱你用。
引擎修復劑係SUPER RESURS嘅主力產品，不論新車、舊車、turbo車或柴油車，都有合適產品。
每部車都有波箱，用得耐自然會損耗，波箱修復劑有手波及自動波兩款，用咗據講可以令轉波更順更靜，亦對波箱有保護作。
SUPER RESURS Proshop
地址：土瓜灣長寧街44號地下
查詢：2981 1141
撰文：袁國基
攝影：葉偉豪
