簡淑兒恨有簡單愛情

組合少女標本嘅簡淑兒（Jessica），噚日去商台宣傳首支個人歌曲《我不是女神》，佢話自己首次獨唱一首歌：「好驚，自己平時有隊友傍住，𠵱家每個字都要咬清楚。」

Jessica指自己並非女神，首歌好切合佢性格，佢話：「鏡頭後我只係想搵簡單嘅愛情，我有問過隊友CoCo（袁紫僑）有冇好介紹，佢話冇，而且身邊識嘅都係女仔多，佢都會幫我過濾。」

撰文：馮仁昭
from:http://hk.apple.nextmedia ... 170530/20037917

「仙氣女神」簡淑兒噚日到荃灣舉行首個簽唱會，佢為新歌設計T恤同環保布袋作義賣籌款，點知首位粉絲就係佢好姊妹陳婉衡，簡淑兒即上前擁抱對方，又感動眼濕。

簡淑兒首次單獨出騷心情緊張，佢話：「噚晚沖涼時已經不停唱，今日出街時唔理途人眼光咁唱。」講到會唔會有男仔喺背後支持義賣掃貨？佢笑指有都唔會知，不過呢個可能性好渺小。

撰文：馮仁昭
from:http://hk.apple.nextmedia ... 170605/20044566

女大十八變，即刻變靚又得，隔返幾年先至變靚亦得，得咗！講緊嘅係呢期人氣急升嘅簡淑兒，佢之前喺大台劇《迷》扮田蕊妮女兒，學生妹look又pure又true，喺《平安谷》又有不俗發揮，依家新劇《波士早晨》又見到佢！但唔講唔知，簡淑兒其實12年美國回流選港姐，但因其貌不揚頭圈已經被淘汰。不過今時今日鼻又高咗、眼又大咗、面又尖咗、連人都後生埋，以一對腰果笑眼榮升新一代女神，劇接劇前途無限。所以話變變變生命力，真係好神奇呀！

簡淑兒《平安谷》演淼淼
大結局無耐的無綫劇《平安谷之詭谷傳說》，觀眾口碑出乎意料地好，一班女演員的演出備受讚賞，其中簡淑兒飾演一個天真可愛的小女孩淼淼，不過就有個獸父鄭子誠，仲差啲被侵犯！紥一對孖辮、楚楚可憐的樣子，簡淑兒真係無得輸！



《波士早晨》又見到佢
接住《平安谷》出街的《波士早晨》，男主角方面有黃智賢、洪永城等，吸引力一般；反而女演員陣容更吸引！除了人見人愛的Ali李佳芯、好耐無拍無綫劇的陳慧珊外，觀眾在同一時間又見到簡淑兒！今次簡淑兒飾演一個初級秘書仔，怕怕醜又驚青咁，由佢演繹就適合不過！


簡淑兒會同張致恆有感情線。
簡淑兒仲有激罕著泳衣濕身鏡頭

簡淑兒：我以前只係黑同肥
講開28歲的簡淑兒，雖然佢出名樣子甜美，但其實整容傳聞由佢16年加入《愛回家之八時入席》出演秘書仔時就傳到㷫烚烚。當時簡淑兒經已反客為主，自post 11年回流前美國留學舊照，自嘲曾經又肥又黑、再自嘲EQ差、話傳媒專揀妝頭出事的相片對比，水蛇春咁長hashtags，曲線自辯係女大十八變唔係整容囉！


真面目判若兩人
對於簡淑兒的變臉疑雲，本刊曾獲得一批2012年香港小姐競選官方照，當年簡淑兒20強不入，一早做咗炮灰。係同屆黃心穎、朱千雪、湯洛雯等太高質，還是簡淑兒方面、細眼、扁鼻實力差太遠？雖然話女大十八變啫，點解事隔多年冇人話心穎BB同千雪BB唔同晒樣嘅？又點解可以變變吓變咗撞埋Baby樣呢？

簡淑兒選港姐照
簡淑兒選港姐照
簡淑兒選港姐照
簡淑兒選港姐照

簡淑兒愈大愈靚
事隔六年，面目全非，愈大愈靚，簡淑兒就曾經解釋係當初官方妝頭出事喎！




簡淑兒進化史
12年：面型尖咗，個鼻直咗，不過本來輪廓仲喺度，當年仲有小小似張慧儀。


13年：明顯下巴更尖，鼻型筆直，對眼都比選港姐時圓咗又深咗。

14年多咗大眼仔美化對眼，不過明顯雙眼又大又圓，已見腰果眼初型。


16年：間尺鼻成型、嘴唇突然飽滿，角度突登低抄，其實拍埋一齊邊個係Baby，邊個係簡淑兒已經好難分！

16年：進化成功再加埋全新化妝，簡淑兒連pose表情都有意無意以Baby為藍本，正式變身成為新一代女神。



17 –18年：新一代女神地位奠定，腰果眼笑臉已成招牌，整體樣貌都無咩改變，最多都係齊陰髮型有時會變吓。