韓國「長腿Oppa」李敏鎬於今年5月正式入伍，喺首爾江南區政廳任社會服務要員（即公益兵）。雖然Oppa暫別演藝圈兩年，但每日都有唔少粉絲喺Oppa服役嘅地方─水西綜合社會福祉館等偶像，而Oppa亦相當親民及友善，見到粉絲時都一定會握手同收禮物。不過近日Oppa「收工」離開福祉館時，就疑似被掟石仔，更有粉絲拍得經過，令其他粉絲相當嬲。
據粉絲上載到Instagram嘅短片可見，當時身穿灰色衫、戴住口罩嘅李敏鎬正準備上車，但上車前仍親民地收粉絲禮物，但畫面突然有疑似石仔嘅物體出現，更向住Oppa方向飛去，好彩Oppa反應快側身避開咗，但依然見到Oppa皺住眉頭望向掟石仔嘅方向，似乎對此舉動相當不滿。短片立即引起粉絲及網民熱議，紛紛留言鬧爆，認為就算只係想引起偶像注意都唔應該用呢種方法。
from:
http://hk.apple.nextmedia ... 170813/20120199
