火火《美選》似爆粗巨胸翠如加大碼張沛樂咀出男友搶風頭

免費電視ViuTV真人騷《美選D.n.A決賽》昨晚假邵氏片廠舉行，8位最後入圍Ladies會爭奪《The Queen of D.n.A》寶座。三位司儀方力申、郭偉亮（Eric Kwok）和火火最先出場，火火說：「有人話我哋用半年時間做一個美選節目好戇居，慘得過我哋要用半年先睇到佢哋啲特質。」火火在節目中段疑似講粗口：「大家都知我講嘢係咁『X'（差）㗎啦。」

唔係波大冇腦

天使組先出場，當中以「巨胸翠如」18號鄧月平的花仙子look最爆，戴住頸鏈都難掩其4吋事業線，她說：「我唔止係F，仲係Q，Q for Queen。」鄧月平更為自己好身材平反，她說：「大家覺得我係波大冇腦冇內涵，我童年有啲不愉快經歷，所以講嘢要三思，做事亦唔敢做到最好，呢半年時間後，我唔再介意人講我身材，智慧要時間累積。」

（左起）方力申、火火及郭偉亮任評判暨司儀，火火更疑似爆粗。

「巨胸翠如」鄧月平以花仙子造型出場，大騷4吋事業線。

5號張沛樂表演魔術變出男友林耀聲，還在鏡頭前咀嘴。

之後輪到魔鬼組出場，同樣是大熱的15號馬倩宜（Happy）穿著三點色騷健美身形。5號張沛樂在表演環節中表演魔術，最後竟然變出男友林耀聲，之後還在鏡頭前咀嘴曬恩愛。而表演空中舞的11號羅伊婷落地時，火火說：「慢慢落，我哋𠵱間電視台唔需要粉身碎骨，淨係奮不顧身得嘞。」

手掌手背係肉

比賽前，主席評判譚詠麟（阿倫）笑言會戴有色眼鏡睇女仔，他說：「係呀，攞正牌睇女仔，所以今晚唔除（太陽眼鏡），我係明星嚟嘛。」對於美選決賽撞正無線台慶頒獎禮，他說：「唔好意思，手掌係肉，手背又係肉，我都覺得奇怪嘞，點解千方百計搵我嚟。」

譚詠麟笑言兩台對打，手掌係肉，手背又係肉。

穿Deep V的周汶錡昨晚表示有看過去12集《美選》，感覺刺激好玩。

劉美君擔任決賽評判，表示沒有收取酬勞。

另外，劉美君、田北俊、雷頌德、周汶錡和丁子高亦擔任評判，陀住6個月BB的周汶錡，自言亦有天使和魔鬼一面。而首次做選美評判的劉美君笑謂：「ViuTV冇酬勞㗎，不過有創意，我覺得個節目幾有趣。」她坦言對15號馬倩宜最有印象。

採訪：黃曉妍
攝影：仇志德、陳俊強
from:http://hk.apple.nextmedia.com/entertainment/art/20161219/19869684

有「巨胸翠如」之稱嘅鄧月平（Larine），佢嘅36F身材真係非常偉大，而佢又不時喺IG post相益街坊，深得網民歡心。

昨日係星期日，Larine似乎偷得浮生半日閒，同屋企人去海洋公園family day，去海洋公園又點可以唔搭纜車呢？而Larine嘅4歲大細佬似乎就唔係咁適應，Larine喺IG post片，阿細佬喺纜車好驚驚挨喺Larine心口，仲一直左望右望。

而細佬呢個動相信喺唔少男士心中真係夢寐以求，有唔少網民留言話：「小弟弟真識揀」、「放開個小朋友等我嚟」、「好羡慕哦」、「小朋友：我願意同你交換」等等，仲有網民大讚Larine有母愛，不過點都好相信網民啲口水已經滴晒落keyboard。
from:http://hk.apple.nextmedia ... 170529/20037610

35F爆乳「巨胸翠如」鄧月平，早前參演電影《掃黃》，佢扮演私鐘妹，其中有一場戲講述佢要喺酒店接客，出鐘唔單止撞啱親生哥哥，仲又有被嫖客暴力虐待，對方兜巴摑鄧月平，鄧月平着住浴袍，將佢F cup導彈胸收埋，鄧月平雖然演戲經驗唔多，佢都演到七情上面，驚到臉容扭曲，鄧月平係咁掹耳仔向老細求饒。有指呢場戲NG咗成十幾次，鄧月平都毫無怨言。

撰文：馮仁昭
from:http://hk.apple.nextmedia ... 170718/20092859