去年底參加以星爺做號召嘅內地節目《星星美人魚》，由幾萬名參賽者中突圍入到95名，再經篩選入埋20名。過關斬將，每次都要考演技，楊埕都好俾心機，第一次上節目遇到林允，今次就遇到鍾麗緹，因為兩個女人都唔醜樣，所以唔介意喺節目齊齊扮醜。
楊埕好滿意自己扮醜嘅造型，仲話咁樣更加大發揮。
鍾麗緹曾經喺星爺電影入面嘅女一，扮醜女難唔到佢。
佢同老公都有上內地嘅真人騷節目。
楊埕講，鍾麗緹又靚又sweet，仲要俾佢聽到鍾麗緹同老公張倫碩講電話嘅sweet對話，搞到佢不知幾羡慕。楊埕入到20名，離成功又近一步，佢話梗係開心，不過面對咁多強勁對手，自知機會唔大，但都會好俾心機。
