樂壇天后容祖兒在深圳舉行演唱會簽名會，獲大會送贈鑽石黑卡的她自爆是電影迷兼有戲癮，她早前講「爛gag」獲大讚有搞笑潛質，故有意向喜劇天后之路進發。
祖兒自認是電影迷，零舍鍾意去戲院睇戲。
容祖兒昨日在深圳舉行《My Secret Live》Blu-Ray簽名會，吸引逾千歌迷圍觀及排隊簽名，她宣布所屬英皇集團全力打造的「英皇電影城—深圳東海繽紛店」將於今年第一季隆重開業，主辦單位派代表贈送首張黑鑽會員卡，讓祖兒在英皇的內地戲院任睇新戲。
要符合三大條件
對於久別深圳歌迷，祖兒感激道：「佢哋仲好有心咁買實體唱片，真係令我好鼓舞。」又承認考慮在同一場地舉行歌迷會或開騷。談到黑鑽會員卡可任睇電影，她自認是電影迷，平時因工作太忙，只能在收費的外國電影網睇戲，但她其實鍾意親臨戲院：「因為感覺好唔同，銀幕大啲、音響好啲又坐得舒服啲，仲有依家好多戲院有貴賓包廂，好似英皇中環嗰間戲院咁，同成班朋友食爆谷睇戲，真係好開心o架。」
祖兒吸引過千名深圳歌迷排隊索簽名。
大小Fans向祖兒集郵。
祖兒獲英皇電影城（中國）有限公司總經理陳國偉先生頒贈黑鑽會員卡。
祖兒被問到可有考慮再拍電影？她不諱言不時有戲癮，要她再拍電影並非不可能，只要符合三大條件，她說：「如果有機會，而自己嘅演技磨練夠，亦能豁出去嘅話，我想嘗試拍喜劇，因為上次演唱會啲人話我嘅『爛gag』好搞笑，對我拍喜劇打咗支強心針。」
文：音樂組
