日本水著偶像都丸紗也華憑住F奶加上甜美面孔上位，早前穿著鮮紅色比堅尼演出電玩遊戲MONSTER STRIKE全新廣告「MONSTER SUMMER!!絕對反射主義」，立即受到外界注目，靠動感胸突圍。都丸紗也華喺廣告中全程展現出青春可愛一面，重點係佢跳脫表現令豐滿上圍勁有3D效果，獲東洋宅男力捧做女神，更被睇好機會陸續有來。
今日係都丸紗也華嘅20歲生日，佢以白滑肌膚同埋F cup引起宅男關注，最近上位即獲出版社炮製處女寫真集於聽日上市，由於佢天賦巨乳本錢，而且又慷慨露肉，所以寫真集會以肉感作招徠，更幾乎半裸上陣，單係封面已夠曬吸睛。其實都丸紗也華早於中三已被星探發掘入行，前年獲得「Miss D2015」獎項，之後以四人組合FYT姿態發展，由於有成員被發展行為不檢，組合繼而解散，令到有機會單飛嘅都丸紗也華立即有運行。
from:
http://hk.apple.nextmedia ... 160927/19782736
